सब के हृदयँ मदन अभिलाखा । लता निहारि नवहिं तरु साखा ॥
नदीं उमगि अम्बुधि कहँ धाई । सङ्गम करहिं तलाव तलाई ॥
saba ke hṛdayam̐ madana abhilākhā | latā nihāri navahiṃ taru sākhā ||
nadīṃ umagi ambudhi kaham̐ dhāī | saṅgama karahiṃ talāva talāī ||
Bala Kanda
Chapter 85: Two hours under Kama's spell
6 verses · 85 of 361
What happens in this chapter
Two hours under Kama's spell
Desire fills every heart. Seeing creepers, the branches of trees bend toward them; rivers swell and rush to the sea, and ponds join with lakes. If insentient things are so, who can tell what conscious beings did? Beasts and birds of sky, water and land lose all sense of season. All the worlds are blinded and restless; the chakwa bird no longer minds day or night. Devas, demons, men and spirits, ever Kama's servants, go undescribed. Even siddhas, renunciants, great sages and yogis are overcome. Those who saw the world as Brahman now see it full of women; women see it full of men. For two ghadis this play of Kama runs through the universe. No one holds firm; only those whom Raghuvira protects are saved.
जहँ असि दसा जड़न्ह कै बरनी । को कहि सकइ सचेतन करनी ॥
पसु पच्छी नभ-जल-थल-चारी । भये काम-बस समय-बिसारी ॥
jaham̐ asi dasā jar̤anha kai baranī | ko kahi sakai sacetana karanī ||
pasu pacchī nabha-jala-thala-cārī | bhaye kāma-basa samaya-bisārī ||
मदन-अन्ध ब्याकुल सब लोका । निसि दिन नहिँ अवलोकहिँ कोका ॥
देव दनुज नर किन्नर ब्याला । प्रेत पिसाच भूत बेताला ॥
madana-andha byākula saba lokā | nisi dina nahim̐ avalokahim̐ kokā ||
deva danuja nara kinnara byālā | preta pisāca bhūta betālā ||
इन्ह की दसा न कहेउँ बखानी । सदा काम के चेरे जानी ॥
सिद्ध बिरक्त महामुनि जोगी । तेपि कामबस भए वियोगी ॥
inha kī dasā na kaheum̐ bakhānī | sadā kāma ke cere jānī ||
siddha birakta mahāmuni jogī | tepi kāmabasa bhae viyogī ||
भये काम-बस जोगीस तापस, पावँरन्हि की को कहै ।
देखहिँ चराचर नारि मय जे, ब्रह्म-मय देखत रहे ॥
अबला बिलोकहिँ पुरुष-मय-जग, पुरुष सब अबला-मयं ।
दुइ दंड भरि ब्रह्मांड भीतर, काम कृत कौतुक अयं ॥
bhaye kāma-basa jogīsa tāpasa, pāvam̐ranhi kī ko kahai |
dekhahim̐ carācara nāri maya je, brahma-maya dekhata rahe ||
abalā bilokahim̐ puruṣa-maya-jaga, puruṣa saba abalā-mayaṃ |
dui daṃḍa bhari brahmāṃḍa bhītara, kāma kṛta kautuka ayaṃ ||
धरा न काहूँ धीर, सब के मन मनसिज हरे ।
जे राखे रघुबीर, ते उबरे तेहि काल महँ ॥
dharā na kāhūm̐ dhīra, saba ke mana manasija hare |
je rākhe raghubīra, te ubare tehi kāla maham̐ ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0