अस तप काहु न कीन्ह भवानी । भये अनेक धीर मुनि ज्ञानी ॥
अब उर धरहु ब्रह्म-बर-बानी । सत्य सदा सन्तत सुचि जानी ॥
asa tapa kāhu na kīnha bhavānī | bhaye aneka dhīra muni jñānī ||
aba ura dharahu brahma-bara-bānī | satya sadā santata suci jānī ||
Bala Kanda
Chapter 75: Shiva's renunciation after Sati
5 verses · 75 of 361
What happens in this chapter
Shiva's renunciation after Sati
The voice from the sky continues: many steady, wise sages have lived, but none did tapas like this, Bhavani. Hold Brahma's word in your heart as ever true and pure. When your father comes to call you, give up your resolve and go home; when the seven rishis meet you, know that this word is proven. Hearing it, Girija thrills with joy. Yajnavalkya now turns from Uma's story to Shambhu's. From the day Sati gave up her body, Shiva's mind turned to renunciation. He always repeats the name of Raghunayaka and listens wherever Rama's virtues are sung. Shiva, who is consciousness and bliss, free of delusion, pride and desire, wanders the earth holding Hari in his heart, he who delights all the worlds.
आवै पिता बोलावन जबहीं । हठ परिहरि घर जाएहु तबहीं ॥
मिलहिँ तुम्हहिँ जब सप्त-रिषीसा । जानेहु तब प्रमान बागीसा ॥
āvai pitā bolāvana jabahīṃ | haṭha parihari ghara jāehu tabahīṃ ||
milahim̐ tumhahim̐ jaba sapta-riṣīsā | jānehu taba pramāna bāgīsā ||
सुनत गिरा विधि गगन बखानी । पुलक गात गिरिजा हरषानी ॥
उमा चरित सुन्दर मैं गावा । सुनहु सम्भु कर चरित सुहावा ॥
sunata girā vidhi gagana bakhānī | pulaka gāta girijā haraṣānī ||
umā carita sundara maiṃ gāvā | sunahu sambhu kara carita suhāvā ||
जब तेँ सती जाइ तनु त्यागा । तब तेँ सिव-मन भयउ बिरागा ॥
जपहिँ सदा रघुनायक-नामा । जहँ तहँ सुनहिँ राम-गुन-ग्रामा ॥
jaba tem̐ satī jāi tanu tyāgā | taba tem̐ siva-mana bhayau birāgā ||
japahim̐ sadā raghunāyaka-nāmā | jaham̐ taham̐ sunahim̐ rāma-guna-grāmā ||
चिदानन्द सुख-धाम सिव, बिगत मोह-मद-काम ।
बिचरहिँ महि धरि हृदयँ हरि, सकल-लोक-अभिराम ॥
cidānanda sukha-dhāma siva, bigata moha-mada-kāma |
bicarahim̐ mahi dhari hṛdayam̐ hari, sakala-loka-abhirāma ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0