6 verses · 57 of 361
Shankar bows at the Lord's feet, and as he remembers Rama the resolve comes: in this body there will be no union with Sati. Steady in mind, he walks home remembering Raghubir. A voice speaks from the sky: glory to Mahesh, you have made devotion firm; who but you could take such a vow? Hearing it, Sati asks hesitantly what vow he has made, but however she asks, Tripurari does not tell. The sorathas: Sati guesses that the all-knowing one knows everything. I deceived Shambhu, she thinks, a woman being by nature dull and unknowing. Love mixes like milk and water, but once the sourness of deceit falls in, they part and the taste is gone.
तब सङ्कर प्रभु-पद सिर नावा । सुमिरत राम हृदयँ अस आवा ॥
एहिं तन सतिहि भेँट मोहि नाहीँ । सिव सङ्कल्प कीन्ह मन माहीं ॥
taba saṅkara prabhu-pada sira nāvā | sumirata rāma hṛdayam̐ asa āvā ||
ehiṃ tana satihi bhem̐ṭa mohi nāhīm̐ | siva saṅkalpa kīnha mana māhīṃ ||
अस बिचारि सङ्कर मतिधीरा । चले भवन सुमिरत रघुबीरा ॥
चलत गगन भइ गिरा सुहाई । जय महेस भलि भगति दिढ़ाई ॥
asa bicāri saṅkara matidhīrā | cale bhavana sumirata raghubīrā ||
calata gagana bhai girā suhāī | jaya mahesa bhali bhagati dir̤hāī ||
अस पन तुम्ह बिनु करइ को आना । राम भगत समरथ भगवाना ॥
सुनि नभ-गिरा सती उर सोचा । पूछा सिवहि समेत सकोचा ॥
asa pana tumha binu karai ko ānā | rāma bhagata samaratha bhagavānā ||
suni nabha-girā satī ura socā | pūchā sivahi sameta sakocā ||
कीन्ह कवन पन कहहु कृपाला । सत्य-धाम प्रभु दीनदयाला ॥
जदपि सतीं पूछा बहु भाँती । तदपि न कहेउ त्रिपुर-आराती ॥
kīnha kavana pana kahahu kṛpālā | satya-dhāma prabhu dīnadayālā ||
jadapi satīṃ pūchā bahu bhām̐tī | tadapi na kaheu tripura-ārātī ||
सतीं हृदय अनुमान किय, सब जानेउँ सरबज्ञ ।
कीन्ह कपट मैं सम्भु सन, नारि सहज जड़ अज्ञ ॥
satīṃ hṛdaya anumāna kiya, saba jāneum̐ sarabajña |
kīnha kapaṭa maiṃ sambhu sana, nāri sahaja jar̤a ajña ||
जल पय सरिस बिकाइ, देखहु प्रीति कि रीति भलि ।
बिलग होत रस जाइ, कपट खटाई परत पुनि ॥
jala paya sarisa bikāi, dekhahu prīti ki rīti bhali |
bilaga hota rasa jāi, kapaṭa khaṭāī parata puni ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
