जौं करि कष्ट जाइ पुनि कोई । जातहिं नींद जुड़ाई होई ॥
जड़ता जाड़ विषम उर लागा । गएहुँ न मज्जन पाव अभागा ॥
jauṃ kari kaṣṭa jāi puni koī | jātahiṃ nīṃda jur̤āī hoī ||
jar̤atā jār̤a viṣama ura lāgā | gaehum̐ na majjana pāva abhāgā ||
Bala Kanda
Chapter 39: The river of poetry: the Sarayu
8 verses · 39 of 361
What happens in this chapter
The river of poetry: the Sarayu
If someone struggles there anyway, sleep seizes him like a fever's chill and he cannot bathe; he goes home with his pride and speaks ill of the lake. No obstacle touches one on whom Rama looks with grace; he bathes and the three torments do not burn him. Whoever wants to bathe here should keep satsang. Seeing this Manas with the inner eye, the poet's mind plunged in and grew pure, and love surged out. The river of poetry flowed, full of Rama's glory. It is the Sarayu, its two banks the ways of the world and the Veda. The doha: the listeners are towns on its banks, and the saints' gathering is Ayodhya.
करि न जाइ सर मज्जन पाना । फिरि आवइ समेत अभिमाना ॥
जौँ बहोरि कोउ पूछन आवा । सर निन्दा करि ताहि बुझावा ॥
kari na jāi sara majjana pānā | phiri āvai sameta abhimānā ||
jaum̐ bahori kou pūchana āvā | sara nindā kari tāhi bujhāvā ||
सकल विघ्न ब्यापहिँ नहिँ तेही । राम सुकृपाँ बिलोकहिं जेही ॥
सोइ सादर सर मज्जन सर करई । महाघोर त्रय ताप न जरई ॥
sakala vighna byāpahim̐ nahim̐ tehī | rāma sukṛpām̐ bilokahiṃ jehī ||
soi sādara sara majjana sara karaī | mahāghora traya tāpa na jaraī ||
ते नर यह सर तजहिँ न काऊ । जिन्ह के राम चरन भल भाऊ ॥
जो नहाइ चह एहिं सर भाई । सो सतसङ्ग करउ मन लाई ॥
te nara yaha sara tajahim̐ na kāū | jinha ke rāma carana bhala bhāū ||
jo nahāi caha ehiṃ sara bhāī | so satasaṅga karau mana lāī ||
अस मानस मानस चष चाही । भइ कबि बुद्धि बिमल अवगाही ॥
भयउ हृदयँ आनन्द उछाहू । उमगेउ प्रेम प्रमोद प्रबाहू ॥
asa mānasa mānasa caṣa cāhī | bhai kabi buddhi bimala avagāhī ||
bhayau hṛdayam̐ ānanda uchāhū | umageu prema pramoda prabāhū ||
चली सुभग कबिता सरिता सी । राम बिमल जस जल भरिता सो ॥
सरजू नाम सुमङ्गल मूला । लोक बेद मत मञ्जुल कूला ॥
calī subhaga kabitā saritā sī | rāma bimala jasa jala bharitā so ||
sarajū nāma sumaṅgala mūlā | loka beda mata mañjula kūlā ||
नदी पुनीत सुमानस नन्दिनि । कलिमल तृन तरु मूल निकन्दिनि ॥
nadī punīta sumānasa nandini | kalimala tṛna taru mūla nikandini ||
स्रोता त्रिविधि समाज पुर, ग्राम नगर दुहुँ कूल ।
सन्त सभा अनुपम अवध, सकल सुमङ्गल मूल ॥
srotā trividhi samāja pura, grāma nagara duhum̐ kūla |
santa sabhā anupama avadha, sakala sumaṅgala mūla ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0