जे गावहिं यह चरित सँभारे । तेइ एहि ताल चतुर रखवारे ॥
सदा सुनहिँ सादर नर नारी । तेइ सुर बर मानस अधिकारी ॥
je gāvahiṃ yaha carita sam̐bhāre | tei ehi tāla catura rakhavāre ||
sadā sunahim̐ sādara nara nārī | tei sura bara mānasa adhikārī ||
Bala Kanda
Chapter 38: Who can and cannot reach the lake
6 verses · 38 of 361
What happens in this chapter
Who can and cannot reach the lake
Those who sing these deeds with care guard the lake, and those who hear them with respect are its rightful gods. The wicked and sense-bound, herons and crows, never come near, for here are no snails, frogs or weeds, no tales of pleasure. Reaching the lake is hard; without Rama's grace no one comes. Bad company is the harsh road, and the words of such people are tigers and snakes. Household tangles are vast mountains, delusion and pride rough forests, false reasoning fearsome rivers. The doha: to those without the provision of faith, without saints' company, to whom Raghunath is not dear, the Manas stays out of reach.
अति-खल जे विषयी बक कागा । एहिं सर निकट न जाहिँ अभागा ॥
सम्बुक भेक सेवार समाना । इहाँ न विषय कथा-रस नाना ॥
ati-khala je viṣayī baka kāgā | ehiṃ sara nikaṭa na jāhim̐ abhāgā ||
sambuka bheka sevāra samānā | ihām̐ na viṣaya kathā-rasa nānā ||
तेहि कारन आवत हियँ हारे । कामी काक बलाक बिचारे ॥
आवत एहिं सर अति कठिनाई । राम कृपा बिनु आइ न जाई ॥
tehi kārana āvata hiyam̐ hāre | kāmī kāka balāka bicāre ||
āvata ehiṃ sara ati kaṭhināī | rāma kṛpā binu āi na jāī ||
कठिन कुसङ्ग कुपन्थ कराला । तिन्ह के बचन बाघ हरि व्याला ॥
गृह कारज नाना जञ्जाला । ते अति दुर्गम सैल बिसाला ॥
kaṭhina kusaṅga kupantha karālā | tinha ke bacana bāgha hari vyālā ||
gṛha kāraja nānā jañjālā | te ati durgama saila bisālā ||
बन बहु विषम मोह मद माना । नदीं कुतर्क भयङ्कर नाना ॥
bana bahu viṣama moha mada mānā | nadīṃ kutarka bhayaṅkara nānā ||
जे स्रद्धा सम्बल रहित, नहिँ सन्तन्ह कर साथ ।
तिन्ह कहँ मानस अगम अति, जिन्हहि न प्रिय रघुनाथ ॥
je sraddhā sambala rahita, nahim̐ santanha kara sātha |
tinha kaham̐ mānasa agama ati, jinhahi na priya raghunātha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0