सप्त प्रबन्ध सुभग सोपाना । ज्ञान-नयन निरखत मन माना ॥
रघुपति-महिमा अगुन अबाधा । बरनब सोइ बर बारि अगाधा ॥
sapta prabandha subhaga sopānā | jñāna-nayana nirakhata mana mānā ||
raghupati-mahimā aguna abādhā | baranaba soi bara bāri agādhā ||
Bala Kanda
Chapter 37: The lake: steps, lotuses, birds, groves
9 verses · 37 of 361
What happens in this chapter
The lake: steps, lotuses, birds, groves
The seven kandas are the lake's seven flights of steps. Raghupati's boundless glory is its depth, and the fame of Rama and Sita its nectar water, with similes for waves. The chaupais are the lotus leaves, the sorathas, chhands and dohas lotuses of many colours, the meanings their pollen. Good deeds are the bees, knowledge and dispassion the swans. The four aims of life, the nine rasas, japa, yoga and vairagya are its water creatures. The saints' gathering is the mango grove around it, and faith is spring. Forgiveness and kindness are its creepers. The doha: thrill is the garden, joy the birds, and the eyes water the flowers with love.
राम-सीय जस सलिल सुधासम । उपमा बीचि बिलास मनोरम ॥
पुरइनि सघन चारु चौपाई । जुगुति मञ्जु मनि सीप सुहाई ॥
rāma-sīya jasa salila sudhāsama | upamā bīci bilāsa manorama ||
puraini saghana cāru caupāī | juguti mañju mani sīpa suhāī ||
छन्द सोरठा सुन्दर दोहा । सोइ बहु रङ्ग कमल कुल सोहा ॥
अरथ अनूप सुभाव सुभासा । सोइ पराग मकरन्द सुबासा ॥
chanda soraṭhā sundara dohā | soi bahu raṅga kamala kula sohā ||
aratha anūpa subhāva subhāsā | soi parāga makaranda subāsā ||
सुकृत पुञ्ज मञ्जुल अलि माला । ज्ञान बिराग बिचार मराला ॥
धुनि अवरेब कबित गुन जाती । मीन मनोहर ते बहु भाँती ॥
sukṛta puñja mañjula ali mālā | jñāna birāga bicāra marālā ||
dhuni avareba kabita guna jātī | mīna manohara te bahu bhām̐tī ||
अरथ धरम कामादिक चारी । कहब ज्ञान बिज्ञान बिचारी ॥
नव रस जप तप जोग बिरागा । ते सब जलचर चारु तड़ागा ॥
aratha dharama kāmādika cārī | kahaba jñāna bijñāna bicārī ||
nava rasa japa tapa joga birāgā | te saba jalacara cāru tar̤āgā ||
सुकृती साधु नाम गुन गाना । ते बिचित्र जल बिहँग समाना ॥
सन्तसभा चहुँ दिसि अवँराई । स्रद्धा रितु बसन्त सम गाई ॥
sukṛtī sādhu nāma guna gānā | te bicitra jala biham̐ga samānā ||
santasabhā cahum̐ disi avam̐rāī | sraddhā ritu basanta sama gāī ||
भगति निरूपन बिबिध बिधाना । छमा दया दम लता बिताना ॥
सम जम नियम फूल फल ज्ञाना । हरि पद रति रस बेद बखाना ॥
bhagati nirūpana bibidha bidhānā | chamā dayā dama latā bitānā ||
sama jama niyama phūla phala jñānā | hari pada rati rasa beda bakhānā ||
औरउ कथा अनेक प्रसङ्गा । तेइ सुक पिक बहु बरन बिहङ्गा ॥
aurau kathā aneka prasaṅgā | tei suka pika bahu barana bihaṅgā ||
पुलक बाटिका-बाग बन, सुख सुबिहङ्ग बिहारु ।
माली सुमन सनेह जल, सींचत लोचन चारु ॥
pulaka bāṭikā-bāga bana, sukha subihaṅga bihāru |
mālī sumana saneha jala, sīṃcata locana cāru ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0