सम्भु प्रसाद सुमति हियँ हुलसी । रामचरितमानस कबि तुलसी ॥
करइ मनोहर मति अनुहारी । सुजन सुचित सुनि लेहु सुधारी ॥
sambhu prasāda sumati hiyam̐ hulasī | rāmacaritamānasa kabi tulasī ||
karai manohara mati anuhārī | sujana sucita suni lehu sudhārī ||
Bala Kanda
Chapter 36: How the lake of Manas filled
6 verses · 36 of 361
What happens in this chapter
How the lake of Manas filled
By Shambhu's grace good sense blossomed in Tulsi's heart and he became the poet of the Manas; he asks the good to hear and correct it. Then the image of the lake begins. Good sense is the land, the heart its deep basin, Veda and Purana the ocean, the saints the clouds that rain the water of Rama's glory. The leelas of the Lord with form are its clearness; indescribable loving devotion is its sweetness and coolness. Falling on the ground of intellect, it ran through the channel of the ears, filled the manas and settled there, cool and clear. The doha: four fine dialogues are the lake's four ghats.
सुमति भूमि थल हृदय अगाधू । बेद पुरान उदधि घन साधू ॥
बरषहिं राम सुजस घर बारी । मधुर मनोहर मङ्गलकारी ॥
sumati bhūmi thala hṛdaya agādhū | beda purāna udadhi ghana sādhū ||
baraṣahiṃ rāma sujasa ghara bārī | madhura manohara maṅgalakārī ||
लीला सगुन जो कहहिँ बखानी । सोइ स्वच्छता करई मल हानी ॥
प्रेम भगति जो बरनि न जाई । सोइ मधुरता सुसीतलताई ॥
līlā saguna jo kahahim̐ bakhānī | soi svacchatā karaī mala hānī ||
prema bhagati jo barani na jāī | soi madhuratā susītalatāī ||
सो जल सुकृत-सालि हित होई । राम भगत जन जीवन सोई ॥
मेधा महि गत से जल पावन । सकिलि स्रवन मग चलेउ सुहावन ॥
so jala sukṛta-sāli hita hoī | rāma bhagata jana jīvana soī ||
medhā mahi gata se jala pāvana | sakili sravana maga caleu suhāvana ||
भरेउ सुमानस सुथल थिराना । सुखद सीत रुचि चारु चिराना ॥
bhareu sumānasa suthala thirānā | sukhada sīta ruci cāru cirānā ||
सुठि सुन्दर सम्बाद बर, बिरचे बुद्धि बिचारि ।
तेइ एहि पावन सुभग सर, घाट मनोहर चारि ॥
suṭhi sundara sambāda bara, birace buddhi bicāri |
tei ehi pāvana subhaga sara, ghāṭa manohara cāri ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0