दरस परस मज्जन अरु पाना । हरई पाप कह बेद पुराना ॥
नदी पुनीत अमित महिमा अति । कहि न सकइ सारद बिमलमति ॥
darasa parasa majjana aru pānā | haraī pāpa kaha beda purānā ||
nadī punīta amita mahimā ati | kahi na sakai sārada bimalamati ||
Bala Kanda
Chapter 35: Why it is called Ramcharitmanas
8 verses · 35 of 361
What happens in this chapter
Why it is called Ramcharitmanas
Veda and Purana say that seeing, touching, bathing in and drinking the Sarayu removes sin. Ayodhya grants Rama's own abode, and whoever leaves the body there does not return to the world. Here Tulsidas began this pure katha, whose hearing destroys lust and pride. Its name is Ramcharitmanas. The mind, an elephant burning in the fire of sense objects, finds ease if it falls into this lake. Shambhu composed it and kept it in his own manas, his mind, until the right time came to tell it to Shiva's consort. So, looking into his heart, Hara gladly named it Ramcharitmanas. The doha promises to tell how the Manas came to be and why it spread.
राम धामदा पुरी सुहावनि । लोक समस्त विदित अति पावनि ॥
चारि खानि जग जीव अपारा । अवध तजे तन नहिँ संसारा ॥
rāma dhāmadā purī suhāvani | loka samasta vidita ati pāvani ||
cāri khāni jaga jīva apārā | avadha taje tana nahim̐ saṃsārā ||
सब बिधि पुरी मनोहर जानी । सकल सिद्धि प्रद मङ्गल खानी ॥
बिमल कथा कर कीन्ह अरम्भा । सुनत नसाहिँ काम मद दम्भा ॥
saba bidhi purī manohara jānī | sakala siddhi prada maṅgala khānī ||
bimala kathā kara kīnha arambhā | sunata nasāhim̐ kāma mada dambhā ||
रामचरितमानस एहि नामा । सुनत स्रवन पाइअ बिस्रामा ॥
मन करि विषय अनल बन जरई । होइ सुखी जौँ एहिं सर परई ॥
rāmacaritamānasa ehi nāmā | sunata sravana pāia bisrāmā ||
mana kari viṣaya anala bana jaraī | hoi sukhī jaum̐ ehiṃ sara paraī ||
रामचरितमानस मुनि भावन । बिरचेउ सम्भु सुहावन पावन ॥
त्रिबिध दोष दुख दारिद दावन । कलि कुचालि कुलि कलुष नसावन ॥
rāmacaritamānasa muni bhāvana | biraceu sambhu suhāvana pāvana ||
tribidha doṣa dukha dārida dāvana | kali kucāli kuli kaluṣa nasāvana ||
रचि महेस निज मानस राखा । पाइ सुसमउ सिवा सन भाखा ॥
तातें रामचरितमानस बर । धरेउ नाम हियँ हेरि हरषि हर ॥
raci mahesa nija mānasa rākhā | pāi susamau sivā sana bhākhā ||
tāteṃ rāmacaritamānasa bara | dhareu nāma hiyam̐ heri haraṣi hara ||
कहउँ कथा सोइ सुखद सुहाई । सादर सुनहु सजन मन लाई ॥
kahaum̐ kathā soi sukhada suhāī | sādara sunahu sajana mana lāī ||
जस मानस जेहि बिधि भयउ, जग प्रचार जेहि हेतु ।
अब सोइ कहउँ प्रसङ्ग सब, सुमिरि उमा बृषकेतु ॥
jasa mānasa jehi bidhi bhayau, jaga pracāra jehi hetu |
aba soi kahaum̐ prasaṅga saba, sumiri umā bṛṣaketu ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0