मुनि आगमन सुना जब राजा । मिलन गयउ लेइ बिप्र समाजा ॥
करि दंडवत मुनिहि सनमानी । निज आसन बैठारेन्हि आनी ॥
muni āgamana sunā jaba rājā | milana gayau lei bipra samājā ||
kari daṃḍavata munihi sanamānī | nija āsana baiṭhārenhi ānī ||
Bala Kanda
Chapter 207: Vishvamitra asks Dasharatha for Rama
6 verses · 207 of 361
What happens in this chapter
Vishvamitra asks Dasharatha for Rama
The king meets the muni with the Brahmanas, seats him on his own seat, washes his feet and feeds him, saying no one is as blessed as he is today. He lays his four sons at the muni's feet. Seeing Rama, Vishvamitra forgets his body, gazing like a chakora at the full moon. Tell me why you came, the king says, and I will do it at once. The muni replies: asuras torment me, and I have come to ask you. Give me Raghunatha and His brother; their slaying of the rakshasas will protect me. Give gladly and drop attachment; you will gain dharma and fame.
चरन पखारि कीन्हि अति पूजा । मो सम आजु धन्य नहिँ दूजा ॥
बिबिध भाँति भोजन करवावा । मुनिबर हृदयँ हरष अति पावा ॥
carana pakhāri kīnhi ati pūjā | mo sama āju dhanya nahim̐ dūjā ||
bibidha bhām̐ti bhojana karavāvā | munibara hṛdayam̐ haraṣa ati pāvā ||
पुनि चरननि मेले सुत चारी । राम देखि मुनि देह बिसारी ॥
भये मगन देखत मुख सोभा । जनु चकोर पूरन ससि लोभा ॥
puni caranani mele suta cārī | rāma dekhi muni deha bisārī ||
bhaye magana dekhata mukha sobhā | janu cakora pūrana sasi lobhā ||
तब मन हरषि बचन कह राऊ । मुनि अस कृपा न कीन्हिहु काऊ ॥
केहि कारन आगमन तुम्हारा । कहहु सो करत न लावउँ बारा ॥
taba mana haraṣi bacana kaha rāū | muni asa kṛpā na kīnhihu kāū ||
kehi kārana āgamana tumhārā | kahahu so karata na lāvaum̐ bārā ||
असुर समूह सतावहिँ मोही । मैं जाचन आयउँ नृप तोही ॥
अनुज समेत देहु रघुनाथा । निसिचर बध मैं होब सनाथा ॥
asura samūha satāvahim̐ mohī | maiṃ jācana āyaum̐ nṛpa tohī ||
anuja sameta dehu raghunāthā | nisicara badha maiṃ hoba sanāthā ||
देहु भूप मन हरषित, तजहु मोह अज्ञान ।
धर्म सुजस प्रभु तुम्ह कौँ, इन्ह कहँ अति कल्यान ॥
dehu bhūpa mana haraṣita, tajahu moha ajñāna |
dharma sujasa prabhu tumha kaum̐, inha kaham̐ ati kalyāna ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0