सुनि राजा अति अप्रिय बानी । हृदय-कम्प मुख-दुति-कुमुलानी ॥
चौथेंपन पायउँ सुत चारी । बिप्र बचन नहिँ कहेउ बिचारी ॥
suni rājā ati apriya bānī | hṛdaya-kampa mukha-duti-kumulānī ||
cautheṃpana pāyaum̐ suta cārī | bipra bacana nahim̐ kaheu bicārī ||
Bala Kanda
Chapter 208: Dasharatha's anguish and the parting
7 verses · 208 of 361
What happens in this chapter
Dasharatha's anguish and the parting
The king trembles and turns pale. In old age I got four sons, he says; ask for land, cows, wealth, even my life, and I will give it, but I cannot give Rama. Where are cruel night-walkers, and where my tender boy? The wise muni is glad to hear words so full of love. Vasishtha explains things in many ways and the king's doubt clears. He embraces the two sons and tells the muni: these two are my life, and you are now their father. He hands them over with blessings. The brothers bow to their mothers and set out gladly to end the munis' fear.
माँगहु भूमि धेनु धन कोसा । सरबस देउँ आजु सहरोसा ॥
देह प्रान तेँ प्रिय कछु नाहीँ । सोउ मुनि देउँ निमिष एक माहीँ ॥
mām̐gahu bhūmi dhenu dhana kosā | sarabasa deum̐ āju saharosā ||
deha prāna tem̐ priya kachu nāhīm̐ | sou muni deum̐ nimiṣa eka māhīm̐ ||
सब सुत प्रिय मोहि प्रान कि नाँई । राम देत नहिँ बनइ गोसाई ॥
कहँ निसिचर अति घोर कठोरा । कहँ सुन्दर सुत परम किसोरा ॥
saba suta priya mohi prāna ki nām̐ī | rāma deta nahim̐ banai gosāī ||
kaham̐ nisicara ati ghora kaṭhorā | kaham̐ sundara suta parama kisorā ||
सुनि नृप-गिरा प्रेम-रस-सानी । हृदयँ हरष माना मुनि ज्ञानी ॥
तब बसिष्ठ बहु बिधि समुझावा । नृप सन्देह नास कहँ पावा ॥
suni nṛpa-girā prema-rasa-sānī | hṛdayam̐ haraṣa mānā muni jñānī ||
taba basiṣṭha bahu bidhi samujhāvā | nṛpa sandeha nāsa kaham̐ pāvā ||
अति आदर दोउ तनय बोलाये । हृदयँ लाइ बहु भाँति सिखाये ॥
मेरे प्रान नाथ सुत दोऊ । तुम्ह मुनि पिता आन नहिँ कोऊ ॥
ati ādara dou tanaya bolāye | hṛdayam̐ lāi bahu bhām̐ti sikhāye ||
mere prāna nātha suta doū | tumha muni pitā āna nahim̐ koū ||
सौँपे भूप रिषिहि सुत, बहु बिधि देइ असीस ।
जननी भवन गये प्रभु, चले नाइ पद सीस ॥
saum̐pe bhūpa riṣihi suta, bahu bidhi dei asīsa |
jananī bhavana gaye prabhu, cale nāi pada sīsa ||
पुरुष सिंह दोउ बीर, हरषि चले मुनि भय हरन ।
कृपासिन्धु मतिधीर, अखिल-बिस्व कारन-करन ॥
puruṣa siṃha dou bīra, haraṣi cale muni bhaya harana |
kṛpāsindhu matidhīra, akhila-bisva kārana-karana ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0