यह सब चरित कहा मैँ गाई । आगिल कथा सुनहु मन लाई ॥
बिस्वामित्र महामुनि ज्ञानी । बसहिँ बिपिन सुभ आस्त्रम जानी ॥
yaha saba carita kahā maim̐ gāī | āgila kathā sunahu mana lāī ||
bisvāmitra mahāmuni jñānī | basahim̐ bipina subha āstrama jānī ||
Bala Kanda
Chapter 206: Vishvamitra resolves to seek the two princes
5 verses · 206 of 361
What happens in this chapter
Vishvamitra resolves to seek the two princes
The poet now turns to the next part. The wise Vishvamitra lives in a holy forest ashrama where munis do japa and yajna, but they dread Maricha and Subahu, who rush in and wreck every yajna. The son of Gadhi worries that these sinners will die only at Hari's hand. Then he reflects that the Lord has descended to lift the Earth's burden. On this pretext I will see His feet, he thinks, and bring back the two brothers; I will fill my eyes with Him. Full of such hopes, he reaches Ayodhya quickly, bathes in the Sarayu and goes to the king's court.
जहँ जप जज्ञ मुनि करहीँ । अति मारीच सुबाहुहि डरहीँ ॥
देखत जज्ञ निसाचर धावहिँ । करहिँ उपद्रव मुनि दुख पावहिँ ॥
jaham̐ japa jajña muni karahīm̐ | ati mārīca subāhuhi ḍarahīm̐ ||
dekhata jajña nisācara dhāvahim̐ | karahim̐ upadrava muni dukha pāvahim̐ ||
गाधि-तनय मन चिन्ता ब्यापी । हरि बिनु मरहिँ न निसिचर पापी ॥
तब मुनिबर मन कीन्ह बिचारा । प्रभु अवतरेउ हरन महि-भारा ॥
gādhi-tanaya mana cintā byāpī | hari binu marahim̐ na nisicara pāpī ||
taba munibara mana kīnha bicārā | prabhu avatareu harana mahi-bhārā ||
एहू मिस देखउँ पद जाई । करि बिनती आनौ दोउ भाई ॥
ज्ञान बिराग सकल गुन अयना । सो प्रभु मैँ देखब भरि नयना ॥
ehū misa dekhaum̐ pada jāī | kari binatī ānau dou bhāī ||
jñāna birāga sakala guna ayanā | so prabhu maim̐ dekhaba bhari nayanā ||
बहु बिधि करत मनोरथ, जात लागि नहिँ बार ।
करि भज्जन सरजू-जल, गये भूप-दरबार ॥
bahu bidhi karata manoratha, jāta lāgi nahim̐ bāra |
kari bhajjana sarajū-jala, gaye bhūpa-darabāra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0