6 verses · 183 of 361
Ravana's orders are carried out at once. Terrible to look at, the night-walkers spread havoc in many shapes made by maya, doing whatever cuts dharma at the root and goes against the Veda. Wherever they find cows and Brahmanas, they burn that town or village. Good conduct vanishes; no one honours deva, Brahmana or guru. There is no bhakti of Hari, no yajna, japa or charity, and the Veda and Puranas are not heard even in dreams. If Ravana hears of japa, yoga, tapas or a yajna, he runs there himself and wrecks it, and drives out anyone who recites the Veda. The cruelty of these lovers of violence is past telling.
इन्द्रजीत सन जो कछु कहेऊ । सो सब जनु पहिलेहिं करि रहेऊ ॥
प्रथमहिँ जिन्ह कहँ आयसु दीन्हा । तिन्ह कर चरित सुनहु जो कीन्हा ॥
indrajīta sana jo kachu kaheū | so saba janu pahilehiṃ kari raheū ||
prathamahim̐ jinha kaham̐ āyasu dīnhā | tinha kara carita sunahu jo kīnhā ||
देखत भीम-रूप सब पापी । निसिचर-निकर देव-परितापी ॥
करहिँ उपद्रव असुर निकाया । नाना रूप धरहिँ करि माया ॥
dekhata bhīma-rūpa saba pāpī | nisicara-nikara deva-paritāpī ||
karahim̐ upadrava asura nikāyā | nānā rūpa dharahim̐ kari māyā ||
जेहि बिधि होइ धरम-निर्मूला । सो सब करहिँ बेद-प्रतिकूला ॥
जेहिं जेहिं देस धेनु द्विज पावहिँ । नगर गाउँ पुर आगि लगावहिँ ॥
jehi bidhi hoi dharama-nirmūlā | so saba karahim̐ beda-pratikūlā ||
jehiṃ jehiṃ desa dhenu dvija pāvahim̐ | nagara gāum̐ pura āgi lagāvahim̐ ||
सुभ-आचरन कतहुँ नहिँ होई । देव बिप्र गुरू मान न कोई ॥
नहिँ हरिभगति जज्ञ जप ग्याना । सपनेहुँ सुनिय न बेद पुराना ॥
subha-ācarana katahum̐ nahim̐ hoī | deva bipra gurū māna na koī ||
nahim̐ haribhagati jajña japa gyānā | sapanehum̐ suniya na beda purānā ||
जप जोग बिरागा, तप मख-भागा, स्त्रवन सुनइ दससीसा ।
आपुन उठि धावइ, रहइ न पावइ, धरि सब घालइ खीसा ॥
अस भ्रष्ट अचारा, भा संसारा, धरम सुनिय नहिँ काना ।
तेहि बहुबिधि त्रासइ, देस निकासइ, जो कह बेद-पुराना ॥
japa joga birāgā, tapa makha-bhāgā, stravana sunai dasasīsā |
āpuna uṭhi dhāvai, rahai na pāvai, dhari saba ghālai khīsā ||
asa bhraṣṭa acārā, bhā saṃsārā, dharama suniya nahim̐ kānā |
tehi bahubidhi trāsai, desa nikāsai, jo kaha beda-purānā ||
बरनि न जाइ अनीति, घोर निसाचर जो करहिँ ।
हिंसा पर अति प्रीति, तिन्ह के पापहि कवनि मिति ॥
barani na jāi anīti, ghora nisācara jo karahim̐ |
hiṃsā para ati prīti, tinha ke pāpahi kavani miti ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
