मेघनाद कहँ पुनि हँकरावा । दीन्ही सिख बल बयर बढ़ावा ॥
जे सुर समर-धीर बलवाना । जिन्ह कें लरिबे कर अभिमाना ॥
meghanāda kaham̐ puni ham̐karāvā | dīnhī sikha bala bayara bar̤hāvā ||
je sura samara-dhīra balavānā | jinha keṃ laribe kara abhimānā ||
Bala Kanda
Chapter 182: Ravana conquers the three worlds by force
9 verses · 182 of 361
What happens in this chapter
Ravana conquers the three worlds by force
Ravana next calls Meghanada and fans his strength and enmity: defeat the devas proud of their valour and bring them back in chains. The son takes the order on his shoulders. Ravana then sets out himself, mace in hand. The earth shakes as he walks, and the wives of the devas miscarry at his roar. The devas hide in the caves of Meru. He finds the cities of the guardians of the quarters empty and roams the world drunk on war, finding no one to face him. Sun, moon, wind, Varuna, Kubera, Agni, Kala and Yama all bow at his feet. He rules by his own will and carries off many women won by force.
तिन्हहिँ जीति रन आनेसु बाँधी । उठि सुत पितु-अनुसासन काँधी ॥
एहि बिधि सबही आज्ञा दीन्ही । आपुन चलेउ गदा कर लीन्ही ॥
tinhahim̐ jīti rana ānesu bām̐dhī | uṭhi suta pitu-anusāsana kām̐dhī ||
ehi bidhi sabahī ājñā dīnhī | āpuna caleu gadā kara līnhī ||
चलत दसानन डोलति अवनी । गर्जत गर्भ-स्त्रवहिं सुर-रवनी ॥
रावन आवत सुनेउ सकोहा । देवन्ह तके मेरु गिरि खोहा ॥
calata dasānana ḍolati avanī | garjata garbha-stravahiṃ sura-ravanī ||
rāvana āvata suneu sakohā | devanha take meru giri khohā ||
दिगपालन्ह के लोक सुहाये । सूने सकल दसानन पाये ॥
पुनि पुनि सिंघनाद करि भारी । देइ देवतन्ह गारि पचारी ॥
digapālanha ke loka suhāye | sūne sakala dasānana pāye ||
puni puni siṃghanāda kari bhārī | dei devatanha gāri pacārī ||
रन-मद मत्त फिरइ जग धावा । प्रतिभट खोजत कतहुँ न पावा ॥
रवि ससि पवन बरुन धन-धारी । अगिनि काल जम सब अधिकारी ॥
rana-mada matta phirai jaga dhāvā | pratibhaṭa khojata katahum̐ na pāvā ||
ravi sasi pavana baruna dhana-dhārī | agini kāla jama saba adhikārī ||
किन्नर सिद्ध मनुज सुर नागा । हठि सबही के पंथहिं लागा ॥
ब्रह्म-सृष्टि जहँ लगि तनु-धारी । दसमुख-बसबर्ती नर नारी ॥
kinnara siddha manuja sura nāgā | haṭhi sabahī ke paṃthahiṃ lāgā ||
brahma-sṛṣṭi jaham̐ lagi tanu-dhārī | dasamukha-basabartī nara nārī ||
आयसु कहिँ सकल भयभीता । नवहिँ आइ नित चरन बिनीता ॥
āyasu kahim̐ sakala bhayabhītā | navahim̐ āi nita carana binītā ||
भुज-बल बिस्व बस्य करि, राखेसि कोउ न सुतन्त्र ।
मंडलीक-मनि रावन, राज करइ निज-मन्त्र ॥
bhuja-bala bisva basya kari, rākhesi kou na sutantra |
maṃḍalīka-mani rāvana, rāja karai nija-mantra ||
देव जच्छ गन्धर्व नर, किन्नर नाग कुमारि ।
जीति बरीं निज-बाहु-बल, बहु सुन्दर बर नारि ॥
deva jaccha gandharva nara, kinnara nāga kumāri |
jīti barīṃ nija-bāhu-bala, bahu sundara bara nāri ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0