बाढ़े खल बहु चोर जुआरा । जे लम्पट पर-धन पर-दारा ॥
मानहिँ मातु पिता नहिँ देवा । साधुन्ह सन करवावहिँ सेवा ॥
bār̤he khala bahu cora juārā | je lampaṭa para-dhana para-dārā ||
mānahim̐ mātu pitā nahim̐ devā | sādhunha sana karavāvahim̐ sevā ||
Bala Kanda
Chapter 184: Mother Earth goes as a cow to Brahma
6 verses · 184 of 361
What happens in this chapter
Mother Earth goes as a cow to Brahma
Thieves, gamblers and men who covet another's wealth and wife multiply; no one honours mother, father or the devas. Shiva tells Bhavani that people who live like this are no better than rakshasas. Seeing dharma so ruined, the Earth is terrified. Mountains, rivers and oceans are no weight to me, she thinks, compared with one man who wrongs others. Taking the form of a cow, she goes weeping to the gathered devas and munis, but none can help. Together they go to Brahma's loka. Brahma knows he too is helpless and tells her: take heart and remember the feet of Hari, whose servant you are. He knows the pain of His own and will end this distress.
जिन्ह के यह आचरन भवानी । ते जानेहु निसिचर सम प्रानी ॥
अतिसय देखि धरम कै हानी । परम सभीत धरा अकुलानी ॥
jinha ke yaha ācarana bhavānī | te jānehu nisicara sama prānī ||
atisaya dekhi dharama kai hānī | parama sabhīta dharā akulānī ||
गिरि सरि सिन्धु भार नहिँ मोही । जस मोहि गरुअ एक पर-द्रोही ॥
सकल धरम देखा बिपरीता । कहि न सकइ रावन भय भीता ॥
giri sari sindhu bhāra nahim̐ mohī | jasa mohi garua eka para-drohī ||
sakala dharama dekhā biparītā | kahi na sakai rāvana bhaya bhītā ||
धेनु-रूप धरि हृदयँ बिचारी । गई तहाँ जहँ सुर-मुनि-झारी ॥
निज-सन्ताप सुनायेसि रोई । काहूँ तेँ कछु काज न होई ॥
dhenu-rūpa dhari hṛdayam̐ bicārī | gaī tahām̐ jaham̐ sura-muni-jhārī ||
nija-santāpa sunāyesi roī | kāhūm̐ tem̐ kachu kāja na hoī ||
सुर मुनि गन्धर्बा, मिलि करि सर्बा, गे बिरज्चि के लोका ।
सँग गा-तनु धारी, भूमि बिचारी, परम बिकल भय सोका ॥
ब्रह्माँ सब जाना, मन अनुमाना, मोर कछू न बसाई ।
जा करि तैँ दासी, सो अबिनासी, हमरेउ तोर सहाई ॥
sura muni gandharbā, mili kari sarbā, ge birajci ke lokā |
sam̐ga gā-tanu dhārī, bhūmi bicārī, parama bikala bhaya sokā ||
brahmām̐ saba jānā, mana anumānā, mora kachū na basāī |
jā kari taim̐ dāsī, so abināsī, hamareu tora sahāī ||
धरनि धरहि मन धीर, कह बिरज्चि हरि-पद सुमिरु ।
जानत जन की पीर, प्रभु भंजिहि दारुन बिपति ॥
dharani dharahi mana dhīra, kaha birajci hari-pada sumiru |
jānata jana kī pīra, prabhu bhaṃjihi dāruna bipati ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0