बहु बिधि सम्भु सास समुझाई । गवनी भवन चरन सिर नाई ॥
जननीं उमा बोलि तब लीन्ही । लेइ उछङ्ग सुन्दर सिख दीन्ही ॥
bahu bidhi sambhu sāsa samujhāī | gavanī bhavana carana sira nāī ||
jananīṃ umā boli taba līnhī | lei uchaṅga sundara sikha dīnhī ||
Bala Kanda
Chapter 102: Uma's farewell from her mother
6 verses · 102 of 361
What happens in this chapter
Uma's farewell from her mother
Shambhu comforts his mother-in-law, and she bows and goes in. She takes Uma in her lap and counsels her: always worship Shankara's feet; a wife's dharma is that her husband is her deity, no other. Her eyes fill and she holds her close. Why did the Creator make woman, she laments; one who lives in dependence knows no happiness even in dreams. Knowing it is no time for this, she steadies herself, yet again and again embraces Uma. Blessed by all, Bhavani leaves, looking back at her mother, and her companions take her to Shiva. Shankara satisfies every supplicant and departs with Uma amid flowers and drums; Himavan escorts them and is sent back content.
करेहु सदा सङ्कर-पद-पूजा । नारि धरम पति-देव न दूजा ॥
बचन कहत भरे लोचन बारी । बहुरि लाइ उर लीन्हि कुमारी ॥
karehu sadā saṅkara-pada-pūjā | nāri dharama pati-deva na dūjā ||
bacana kahata bhare locana bārī | bahuri lāi ura līnhi kumārī ||
कत बिधि सृजीं नारि जग माहीँ । पराधीन सपनेहुँ सुख माहीं ॥
भइ अति प्रेम बिकल महँतारी । धीरज कीन्ह कुसमय बिचारी ॥
kata bidhi sṛjīṃ nāri jaga māhīm̐ | parādhīna sapanehum̐ sukha māhīṃ ||
bhai ati prema bikala maham̐tārī | dhīraja kīnha kusamaya bicārī ||
पुनि पुनि मिलति परति गहि चरना । परम प्रेम कछु जाइ न बरना ॥
सब नारिन्ह मिलि मैँटि भवानी । जाइ जननि उर पुनि लपटानी ॥
puni puni milati parati gahi caranā | parama prema kachu jāi na baranā ||
saba nārinha mili maim̐ṭi bhavānī | jāi janani ura puni lapaṭānī ||
जननिहि बहुरि मिलि चली उचित असीस सब काहूँ दईं ।
फिरि फिरि बिलोकति मातु तन तब, सखीं लै सिव पहिँ गई ॥
जाचक सकल सन्तोषि सङ्कर, उमा सहित भवन चले ।
सब अमर हरषे सुमन बरषि निसान नभ बाजे भले ॥
jananihi bahuri mili calī ucita asīsa saba kāhūm̐ daīṃ |
phiri phiri bilokati mātu tana taba, sakhīṃ lai siva pahim̐ gaī ||
jācaka sakala santoṣi saṅkara, umā sahita bhavana cale |
saba amara haraṣe sumana baraṣi nisāna nabha bāje bhale ||
चले सङ्ग हिमवन्त तब, पहुँचावन अति हेतु ।
बिबिध भाँति परितोष करि, बिदा कीन्हि वृषकेतु ॥
cale saṅga himavanta taba, pahum̐cāvana ati hetu |
bibidha bhām̐ti paritoṣa kari, bidā kīnhi vṛṣaketu ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0