जसि बिबाह के बिधि श्रुति गाई । महामुनिन्ह सो सब करवाई ॥
गहि गिरीस कुस कन्या पानी । भवहि समरपीं जानि भवानी ॥
jasi bibāha ke bidhi śruti gāī | mahāmuninha so saba karavāī ||
gahi girīsa kusa kanyā pānī | bhavahi samarapīṃ jāni bhavānī ||
Bala Kanda
Chapter 101: Shiva takes Parvati's hand
6 verses · 101 of 361
What happens in this chapter
Shiva takes Parvati's hand
The great sages perform every marriage rite the Veda prescribes. Holding kusha and his daughter's hand, Himavan offers her to Bhava, knowing her as Bhavani. When Mahesha takes her hand, the devas rejoice, sages chant mantras, drums sound and flowers rain; joy fills every world. Himavan gives a dowry beyond telling: servants, horses, chariots, elephants, cows, cloth, gems, grain and gold vessels. Then with folded hands he asks what he can give Shankara, whose every wish is fulfilled, and holds his feet. Shiva satisfies him in every way. Maina clasps his feet: Lord, Uma is dear to me as life; keep her as a servant of your house, forgive my faults, and grant this boon.
पानि-ग्रहन जब कीन्ह महेसा । हिंयँ हरषे तब सकल सुरेसा ॥
बेद मन्त्र मुनिबर उच्चरहीँ । जय जय जय सङ्कर सुर करहीँ ॥
pāni-grahana jaba kīnha mahesā | hiṃyam̐ haraṣe taba sakala suresā ||
beda mantra munibara uccarahīm̐ | jaya jaya jaya saṅkara sura karahīm̐ ||
बाजहिँ बाजन बिबिध बिधाना । सुमन बृष्टि नभ भइ बिधि नाना ॥
हर गिरिजा कर भयउ बिबाहू । सकल भुवन भरि रहा उछाहू ॥
bājahim̐ bājana bibidha bidhānā | sumana bṛṣṭi nabha bhai bidhi nānā ||
hara girijā kara bhayau bibāhū | sakala bhuvana bhari rahā uchāhū ||
दासीं दास तुरग रथ नागा । धेनु बसन मनि बस्तु विभागा ॥
अन्न कनक-भाजन भरि जाना । दाइज दीन्ह न जाइ बखाना ॥
dāsīṃ dāsa turaga ratha nāgā | dhenu basana mani bastu vibhāgā ||
anna kanaka-bhājana bhari jānā | dāija dīnha na jāi bakhānā ||
दाइज दियो बहु भाँति पुनि कर,-जोरि हिम-भूधर कह्यो ।
का देउँ पूरनकाम सङ्कर, चरन-पङ्कज गहि रह्यो ॥
सिवँ कृपासागर ससुर का सन्तोष सब भाँतिहिं कियो ।
पुनि गहे पद-पाथोज मैना, प्रेम परिपूरन हियो ॥
dāija diyo bahu bhām̐ti puni kara,-jori hima-bhūdhara kahyo |
kā deum̐ pūranakāma saṅkara, carana-paṅkaja gahi rahyo ||
sivam̐ kṛpāsāgara sasura kā santoṣa saba bhām̐tihiṃ kiyo |
puni gahe pada-pāthoja mainā, prema paripūrana hiyo ||
नाथ उमा मम प्रान सम गृहकिंकरी करेहु ।
छमेहु सकल अपराध अब, होइ प्रसन्न बर देहु ॥
nātha umā mama prāna sama gṛhakiṃkarī karehu |
chamehu sakala aparādha aba, hoi prasanna bara dehu ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0