तुरत भवन आये गिरिराई । सकल सैल सर लिये बोलाई ॥
आदर दान बिनय बहु माना । सब कर विदा कीन्ह हिमवाना ॥
turata bhavana āye girirāī | sakala saila sara liye bolāī ||
ādara dāna binaya bahu mānā | saba kara vidā kīnha himavānā ||
Bala Kanda
Chapter 103: Life on Kailasa; Kartikeya is born
6 verses · 103 of 361
What happens in this chapter
Life on Kailasa; Kartikeya is born
Himavan returns and sends off the mountains and lakes with honour and gifts. Shambhu reaches Kailasa, and the devas go to their worlds. Shambhu and Bhavani are the mother and father of the world, so Tulsidas will not describe their love play. They live on Kailasa with the ganas, their leela new each day, and much time passes. Then the six-faced Kumara is born, who kills the asura Taraka in battle. Since the Vedas and Puranas proclaim his birth and deeds, his story is told only briefly. Whoever tells or sings this marriage of Uma and Shambhu finds lasting joy in auspicious works. The Veda cannot cross the ocean of Girija's Lord's deeds; how could dull Tulsidas?
जबहिं सम्भु कैलासहिं आये । सुर सब निज निज लोक सिधाये ॥
जगत मातु-पितु सम्भु-भवानी । तेहि सिङ्गार न कहउँ बखानी ॥
jabahiṃ sambhu kailāsahiṃ āye | sura saba nija nija loka sidhāye ||
jagata mātu-pitu sambhu-bhavānī | tehi siṅgāra na kahaum̐ bakhānī ||
करहिँ बिबिध बिधि भोग बिलासा । गनन्ह समेत बसहिँ कैलासा ॥
हर-गिरिजा बिहार नित नयऊ । एहि विधि बिपुल काल चलि गयऊ ॥
karahim̐ bibidha bidhi bhoga bilāsā | gananha sameta basahim̐ kailāsā ||
hara-girijā bihāra nita nayaū | ehi vidhi bipula kāla cali gayaū ||
तब जनमेउ षट-बदन-कुमारा । तारक असुर समर जेहिं मारा ॥
आगम निगम प्रसिद्ध पुराना । षट-मुख जनम सकल जग जाना ॥
taba janameu ṣaṭa-badana-kumārā | tāraka asura samara jehiṃ mārā ||
āgama nigama prasiddha purānā | ṣaṭa-mukha janama sakala jaga jānā ||
जग जान षन्मुख जनम करम प्रताप पुरुषारथ महा ।
तेहि हेतु मैँ वृषकेतु-सुत कर, चरित संछेपहिं कहा ॥
यह उमा-सम्भु बिबाह जे नर, नारि कहहिँ जे गावहीँ ।
कल्यान काज बिबाह मङ्गल, सर्बदा सुख पावहीं ॥
jaga jāna ṣanmukha janama karama pratāpa puruṣāratha mahā |
tehi hetu maim̐ vṛṣaketu-suta kara, carita saṃchepahiṃ kahā ||
yaha umā-sambhu bibāha je nara, nāri kahahim̐ je gāvahīm̐ |
kalyāna kāja bibāha maṅgala, sarbadā sukha pāvahīṃ ||
चरित-सिन्धु गिरिजा रमन, बेद न पावहिँ पार ।
बरनइ तुलसीदास किमि, अति मति-मन्द गँवार ॥
carita-sindhu girijā ramana, beda na pāvahim̐ pāra |
baranai tulasīdāsa kimi, ati mati-manda gam̐vāra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0