बोलि सकल सुर सादर लीन्हे । सबहि जथोचित आसन दीन्हे ॥
बेदी बेद-बिधान सँवारी । सुभग सुमङ्गल गावहिं नारी ॥
boli sakala sura sādara līnhe | sabahi jathocita āsana dīnhe ||
bedī beda-bidhāna sam̐vārī | subhaga sumaṅgala gāvahiṃ nārī ||
Bala Kanda
Chapter 100: Bhavani enters the wedding mandapa
6 verses · 100 of 361
What happens in this chapter
Bhavani enters the wedding mandapa
The devas are seated with honour and the altar is prepared by Vedic rule. Bowing to the Brahmins and remembering his Lord Raghurai, Shiva sits on a wondrous throne. The sages call Uma, and her companions bring her adorned. Her beauty enchants every deva, and knowing her as Jagadambika they bow to her in their hearts. Even the Shruti, Shesha and Sharada hesitate to describe it, says Tulsidas; how could he? She goes to the middle of the mandapa where Shiva sits; from shyness she cannot look at him, though her mind hovers like a bee at his lotus feet. At the sages' word Shambhu and Bhavani worship Ganapati; let no one doubt this, for the devas are beginningless.
सिंघासनु अति दिब्य सुहावा । जाइ न बरनि बिचित्र बनावा ॥
बैठे सिव बिप्रन्ह सिर नाई । हृदयँ सुमिरि निज प्रभु रघुराई ॥
siṃghāsanu ati dibya suhāvā | jāi na barani bicitra banāvā ||
baiṭhe siva bipranha sira nāī | hṛdayam̐ sumiri nija prabhu raghurāī ||
बहुरि मुनीसन्ह उमा बोलाई । करि सिङ्गार सखीं लेइ आई ॥
देखत रूप सकल सुर मोहे । बरनइ छबि अस जग कबि को हे ॥
bahuri munīsanha umā bolāī | kari siṅgāra sakhīṃ lei āī ||
dekhata rūpa sakala sura mohe | baranai chabi asa jaga kabi ko he ||
जगदम्बिका जानि भव-भामा । सुरन्ह मनहिं मन कीन्ह प्रनामा ॥
सुन्दरता-मरजाद भवानी । जाइ न कोटिहुँ बदन बखानी ॥
jagadambikā jāni bhava-bhāmā | suranha manahiṃ mana kīnha pranāmā ||
sundaratā-marajāda bhavānī | jāi na koṭihum̐ badana bakhānī ||
कोटिहुँ बदन नहिँ बनइ बरनत, जग-जननि-सोभा महा ।
सकुचहिँ कहत श्रुति सेष सारद, मन्द-मति तुलसी कहा ॥
छबि-खानि मातु भवानि गवनी, मध्य मंडप सिव जहाँ ।
अवलोकि सकइ न सकुच पति-पद,-कमल मन मधुकर तहाँ ॥
koṭihum̐ badana nahim̐ banai baranata, jaga-janani-sobhā mahā |
sakucahim̐ kahata śruti seṣa sārada, manda-mati tulasī kahā ||
chabi-khāni mātu bhavāni gavanī, madhya maṃḍapa siva jahām̐ |
avaloki sakai na sakuca pati-pada,-kamala mana madhukara tahām̐ ||
मुनि अनुसासन गनपतिहि, पूजेउ सम्मु-भवानि ।
कोउ सुनि संसय करइ जनि, सुर अनादि जियँ जानि ॥
muni anusāsana ganapatihi, pūjeu sammu-bhavāni |
kou suni saṃsaya karai jani, sura anādi jiyam̐ jāni ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0