5 verses · 57 of 326
Kausalya prays that all the gods and forefathers guard him as the eyelids guard the eye. His dear ones are fish living in the water of the fourteen years; let him return while they still live. Go happily to the forest, she says, leaving the city, kin and villages orphaned. Today the fruit of everyone's merit has run out, and cruel Time has turned against them. Lamenting in many ways she clings to his feet, counting herself most unfortunate. Shri Rama raises his mother, holds her to his breast and consoles her with gentle words. At that moment Sita hears the news, rises in distress, comes and bows at her mother-in-law's feet, and sits with her head lowered.
देव पितर सब तुन्हहि गोसाँई । राखहुँ पलक नयन की नाँई ॥
अवधि अम्बु प्रिय परिजन मीना । तुम्ह करुनाकर धरम धुरीना ॥
deva pitara saba tunhahi gosām̐ī | rākhahum̐ palaka nayana kī nām̐ī ||
avadhi ambu priya parijana mīnā | tumha karunākara dharama dhurīnā ||
अस बिचारि सोइ करहु उपाई । सबहि जिअत जेहिं भेंटेहु आई ॥
जाहु सुखेन बनहिं बलि जाऊँ । करि अनाथ पुर परिजन गाऊँ ॥
asa bicāri soi karahu upāī | sabahi jiata jehiṃ bheṃṭehu āī ||
jāhu sukhena banahiṃ bali jāūm̐ | kari anātha pura parijana gāūm̐ ||
सब कर आजु सुकृत-फल बीता । भयउ कराल-काल बिपरीता ॥
बहु बिधि बिलपि चरन लपटानी । परम अभागिनि आपुहि जानी ॥
saba kara āju sukṛta-phala bītā | bhayau karāla-kāla biparītā ||
bahu bidhi bilapi carana lapaṭānī | parama abhāgini āpuhi jānī ||
दारुन दुसह दाह उर ब्यापा । बरनि न जाहिँ बिलाप-कलापा ॥
राम उठाइ मातु उर लाई । कहि मृदु बचन बहुरि समुझाई ॥
dāruna dusaha dāha ura byāpā | barani na jāhim̐ bilāpa-kalāpā ||
rāma uṭhāi mātu ura lāī | kahi mṛdu bacana bahuri samujhāī ||
समाचार तेहि समय सुनि, सीय उठी अकुलाइ ।
जाइ सासु पद-कमल जुग, बन्दि बैठि सिर नाइ ॥
samācāra tehi samaya suni, sīya uṭhī akulāi |
jāi sāsu pada-kamala juga, bandi baiṭhi sira nāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
