जौं केवल पितु-आयसु ताता । तो जनि जाहु जानि बड़ि माता ॥
जौं पितु मातु कहेउ बन जाना । तो कानन सत अवध समाना ॥
jauṃ kevala pitu-āyasu tātā | to jani jāhu jāni bar̤i mātā ||
jauṃ pitu mātu kaheu bana jānā | to kānana sata avadha samānā ||
Ayodhya Kanda
Chapter 56: Kausalya's blessing and her restraint
5 verses · 56 of 326
What happens in this chapter
Kausalya's blessing and her restraint
If it were your father's command alone, Kausalya says, you could stay, counting your mother the greater. But if both father and mother have said go, then the forest is a hundred Ayodhyas for you. Let forest gods and goddesses be your parents and its creatures serve your feet. A forest life suits a king at the end of life; it is your tender age that breaks my heart. Fortunate is the forest and unfortunate Avadh, which you have left. If I ask to come along, your heart will be troubled; you are the life of every life, and I can only sit and grieve. So I will not insist and swell a false love; only remember the bond with your mother and do not forget her.
पितु-बन देव मातु बन-देवी । खग-मृग चरन-सरोरुह सेवी ॥
अंतहुँ उचित नृपहि बनबासू । बय बिलोकि हियँ होइ हराँसू ॥
pitu-bana deva mātu bana-devī | khaga-mṛga carana-saroruha sevī ||
aṃtahum̐ ucita nṛpahi banabāsū | baya biloki hiyam̐ hoi harām̐sū ||
बड़भागी बन अवध अभागी । जो रघुबंस तिलक तुम्ह त्यागी ॥
जौँ सुत कहौ सङ्ग मोहि लेहू । तुम्हरे हृदयँ होइ सन्देहू ॥
bar̤abhāgī bana avadha abhāgī | jo raghubaṃsa tilaka tumha tyāgī ||
jaum̐ suta kahau saṅga mohi lehū | tumhare hṛdayam̐ hoi sandehū ||
पूत परम-प्रिय तुम्ह सबही के । प्रान प्रान के जीवन जी के ॥
ते तुम्ह कहहु मातु बन जाऊँ । में सुनि बचन बैठि पछिताऊँ ॥
pūta parama-priya tumha sabahī ke | prāna prāna ke jīvana jī ke ||
te tumha kahahu mātu bana jāūm̐ | meṃ suni bacana baiṭhi pachitāūm̐ ||
यह बिचारि नहिँ करउँ हठ, झूठ सनेह बढ़ाइ ।
मानि मातु कर नात बलि, सुरति बिसरि जनि जाइ ॥
yaha bicāri nahim̐ karaum̐ haṭha, jhūṭha saneha bar̤hāi |
māni mātu kara nāta bali, surati bisari jani jāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0