राम सुना दुख कान न काऊ । जीवन-तरु जिमि जोगवइ राऊ ॥
पलक नयन फनि मनि जेहि भाँती । जोगवहिँ जननि सकल दिन राती ॥
rāma sunā dukha kāna na kāū | jīvana-taru jimi jogavai rāū ||
palaka nayana phani mani jehi bhām̐tī | jogavahim̐ janani sakala dina rātī ||
Ayodhya Kanda
Chapter 201: Bharata's self-reproach, Guha's consolation
6 verses · 201 of 326
What happens in this chapter
Bharata's self-reproach, Guha's consolation
Rama never heard of sorrow, Bharata laments; the king guarded him like the tree of his own life, and the mothers watched over him day and night as eyelids guard the eye and a serpent its jewel. Now he wanders the forest on foot, living on roots, fruit and flowers. Shame on Kaikeyi, root of ill, who turned against the one dearest to her life. Shame on me, an ocean of sin, for whom all this happened. Guha comforts him lovingly: why grieve in vain? Rama loves you and you love him; the fault lies with adverse fate, which drove your mother mad. That night the Lord praised you again and again. Rama, who knows all hearts, holds no one dearer. Take heart and rest.
ते अब फिरत बिपिन पद-चारी । कन्द-मूल-फल-फूल अहारी ॥
धिग कैकेई अमङ्गल मूला । भइसि प्रान-प्रियतम प्रतिकूला ॥
te aba phirata bipina pada-cārī | kanda-mūla-phala-phūla ahārī ||
dhiga kaikeī amaṅgala mūlā | bhaisi prāna-priyatama pratikūlā ||
मैं धिग धिग अघ-उदधि अभागी । सब उतपात भयउ जेहि लागी ॥
कुल-कलङ्क करि सृजेउ बिधाताँ । साइँदोह मोहि कीन्ह कुमाताँ ॥
maiṃ dhiga dhiga agha-udadhi abhāgī | saba utapāta bhayau jehi lāgī ||
kula-kalaṅka kari sṛjeu bidhātām̐ | sāim̐doha mohi kīnha kumātām̐ ||
मुनि सप्रेम समुझाव निषादू । नाथ करिअ कत बादि बिषादू ॥
राम तुम्हहिँ प्रिय तुम्ह प्रिय रामहि । यह निरजोसु दोसु बिधि बामहिॅ ॥
muni saprema samujhāva niṣādū | nātha karia kata bādi biṣādū ||
rāma tumhahim̐ priya tumha priya rāmahi | yaha nirajosu dosu bidhi bāmahiॅ ||
बिधि बाम की करनी कठिन जेंहिं, मातु कीन्ही बावरी ।
तेहि राति पुनि पुनि करहिँ प्रभु सादर सरहना रावरी ॥
तुलसी न तुम्ह सो राम प्रीतम, कहत हौँ सौहें किये ।
परिनाम मङ्गल जानि अपने, आनिये धीरज हिये ॥
bidhi bāma kī karanī kaṭhina jeṃhiṃ, mātu kīnhī bāvarī |
tehi rāti puni puni karahim̐ prabhu sādara sarahanā rāvarī ||
tulasī na tumha so rāma prītama, kahata haum̐ sauheṃ kiye |
parināma maṅgala jāni apane, āniye dhīraja hiye ||
अन्तरजामी राम, सकुच सप्रेम कृपायतन ।
चलिय करिय बिस्राम, यह विचार दृढ़ आनि मन ॥
antarajāmī rāma, sakuca saprema kṛpāyatana |
caliya kariya bisrāma, yaha vicāra dṛr̤ha āni mana ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0