अध्याय 201: भरत की आत्मग्लानि, गुह का धीरज

राम सुना दुख कान न काऊ । जीवन-तरु जिमि जोगवइ राऊ ॥
पलक नयन फनि मनि जेहि भाँती । जोगवहिँ जननि सकल दिन राती ॥

rāma sunā dukha kāna na kāū | jīvana-taru jimi jogavai rāū ||
palaka nayana phani mani jehi bhām̐tī | jogavahim̐ janani sakala dina rātī ||

ते अब फिरत बिपिन पद-चारी । कन्द-मूल-फल-फूल अहारी ॥
धिग कैकेई अमङ्गल मूला । भइसि प्रान-प्रियतम प्रतिकूला ॥

te aba phirata bipina pada-cārī | kanda-mūla-phala-phūla ahārī ||
dhiga kaikeī amaṅgala mūlā | bhaisi prāna-priyatama pratikūlā ||

मैं धिग धिग अघ-उदधि अभागी । सब उतपात भयउ जेहि लागी ॥
कुल-कलङ्क करि सृजेउ बिधाताँ । साइँदोह मोहि कीन्ह कुमाताँ ॥

maiṃ dhiga dhiga agha-udadhi abhāgī | saba utapāta bhayau jehi lāgī ||
kula-kalaṅka kari sṛjeu bidhātām̐ | sāim̐doha mohi kīnha kumātām̐ ||

मुनि सप्रेम समुझाव निषादू । नाथ करिअ कत बादि बिषादू ॥
राम तुम्हहिँ प्रिय तुम्ह प्रिय रामहि । यह निरजोसु दोसु बिधि बामहिॅ ॥

muni saprema samujhāva niṣādū | nātha karia kata bādi biṣādū ||
rāma tumhahim̐ priya tumha priya rāmahi | yaha nirajosu dosu bidhi bāmahiॅ ||