भरत बचन सब कहँ प्रिय लागे । राम-सनेह-सुधाँ जनु पागे ॥
लोग बियोग विषम बिष दागे । मन्त्र सबीज सुनत जनु जागे ॥
bharata bacana saba kaham̐ priya lāge | rāma-saneha-sudhām̐ janu pāge ||
loga biyoga viṣama biṣa dāge | mantra sabīja sunata janu jāge ||
Ayodhya Kanda
Chapter 184: All praise Bharata and agree to go
5 verses · 184 of 326
What happens in this chapter
All praise Bharata and agree to go
Bharata's words, steeped in the nectar of love for Rama, are dear to all. Mothers, ministers, guru and citizens are all overcome with love and praise him again and again: you are love for Rama in bodily form. Why would you not speak so, dear Bharata, when Rama is dear to you as life? The fool who in his dullness blames you for your mother's crookedness will dwell in hell for a hundred kalpas with ten million forefathers. The jewel on a serpent's head takes none of its poison or faults; it cures venom and burns away suffering and poverty. You have counselled well and given a hold to all who were drowning in an ocean of grief.
मातु सचिव गुरु पुर नर नारी । सकल सनेहँ बिकल भये भारी ॥
भरतहि कहहिं सराहि सराही । राम-प्रेम मूरति तनु आही ॥
mātu saciva guru pura nara nārī | sakala saneham̐ bikala bhaye bhārī ||
bharatahi kahahiṃ sarāhi sarāhī | rāma-prema mūrati tanu āhī ||
तात भरत अस काहे न कहहू । प्रान समान राम प्रिय अहहू ॥
जो पावँरु अपनी जड़ताई । तुम्हहिँ सुगाइ मातु कुटिलाई ॥
tāta bharata asa kāhe na kahahū | prāna samāna rāma priya ahahū ||
jo pāvam̐ru apanī jar̤atāī | tumhahim̐ sugāi mātu kuṭilāī ||
सो सठ कोटिक-पुरुष समेता । बसहिँ कलप-सत नरक-निकेता ॥
अहि-अघ अवगुन नहि मनि गहई । हरइ गरल दुख-दारिद दहई ॥
so saṭha koṭika-puruṣa sametā | basahim̐ kalapa-sata naraka-niketā ||
ahi-agha avaguna nahi mani gahaī | harai garala dukha-dārida dahaī ||
अवसि चलिय बन रामु जहँ, भरत मन्त्र भल कीन्ह ।
सोक सिन्धु बूड़त सबहि, तुम्ह अवलम्बन दीन्ह ॥
avasi caliya bana rāmu jaham̐, bharata mantra bhala kīnha |
soka sindhu būr̤ata sabahi, tumha avalambana dīnha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0