आन उपाय मोहि नहिं सूझा । को जिय कै रघुबर बिनु बूझा ॥
एकहिं आँक इहइ मन माहीं । प्रातकाल चलिहउँ प्रभु पाहीं ॥
āna upāya mohi nahiṃ sūjhā | ko jiya kai raghubara binu būjhā ||
ekahiṃ ām̐ka ihai mana māhīṃ | prātakāla calihaum̐ prabhu pāhīṃ ||
Ayodhya Kanda
Chapter 183: At dawn I will go to the Lord
5 verses · 183 of 326
What happens in this chapter
At dawn I will go to the Lord
No other remedy comes to me, Bharata says. One resolve sits in my mind: at daybreak I will set out for the Lord. Though I am wicked and the cause of all this trouble, when he sees me before him seeking refuge he will forgive all and show special grace. Raghurai is gentle, modest and simple, a home of mercy and love. Rama has never done ill even to an enemy, and I am his child and servant, however perverse. Give me your leave and blessing, elders, so that Rama, hearing my plea, may return to the capital. Though born of a wicked mother and always at fault, I trust Raghubir will not cast me off, knowing me his.
जद्यपि मैं अनभल अपराधी । भइ मोहि कारन सकल उपाधी ॥
तदपि सरन सनमुख मोहि देखी । छमि सब करिहहिं कृपा बिसेखी ॥
jadyapi maiṃ anabhala aparādhī | bhai mohi kārana sakala upādhī ||
tadapi sarana sanamukha mohi dekhī | chami saba karihahiṃ kṛpā bisekhī ||
सील सकुच सुठि सरल सुभाऊ । कृपा-सनेह-सदन रघुराऊ ॥
अरिहुक अनभल कीन्ह न रामा । मैं सिसु सेवक जद्यपि बामा ॥
sīla sakuca suṭhi sarala subhāū | kṛpā-saneha-sadana raghurāū ||
arihuka anabhala kīnha na rāmā | maiṃ sisu sevaka jadyapi bāmā ||
तुम्ह पै पाँच मोर भल मानी । आयसु आसिष देहु सुबानी ॥
जेहिं सुनि बिनय मोहि जनु जानी । आवहिं बहुरि राम रजधानी ॥
tumha pai pām̐ca mora bhala mānī | āyasu āsiṣa dehu subānī ||
jehiṃ suni binaya mohi janu jānī | āvahiṃ bahuri rāma rajadhānī ||
जद्यपि जनम कुमातु तेँ, मैं सठु सदा सदोस ।
आपन जानि न त्यागिहहिं, मोहि रघुबीर भरोस ॥
jadyapi janama kumātu tem̐, maiṃ saṭhu sadā sadosa |
āpana jāni na tyāgihahiṃ, mohi raghubīra bharosa ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0