मोहि उपदेसु दीन्ह गुर नीका । प्रजा सचिव सम्मत सबही का ॥
मातु उचित धरि आयसु दीन्हा । अवसि सीस धरि चाहउँ कीन्हा ॥
mohi upadesu dīnha gura nīkā | prajā saciva sammata sabahī kā ||
mātu ucita dhari āyasu dīnhā | avasi sīsa dhari cāhaum̐ kīnhā ||
Ayodhya Kanda
Chapter 177: Bharata begins his humble reply
5 verses · 177 of 326
What happens in this chapter
Bharata begins his humble reply
The guru has counselled me well, Bharata says, and the people and ministers agree. Mother's order too is fitting, and I would carry it out with bowed head. When guru, father, mother and master speak for one's good, one should obey gladly; to weigh their words for right and wrong loses dharma and loads sin on the head. I understand this well, yet my heart finds no peace. Hear my plea and teach me according to my state. Forgive me for answering; saints do not count the faults of the afflicted. My father is in heaven, Sita and Rama in the forest, and you tell me to rule. Is this for my good, or for some great purpose of yours?
गुरु-पितु-मातु-स्वामि हित बानी । सुनि मन मुदित करिअ भलि जानी ॥
उचित कि अनुचित किये बिचारू । धरम जाइ सिर पातक-भारू ॥
guru-pitu-mātu-svāmi hita bānī | suni mana mudita karia bhali jānī ||
ucita ki anucita kiye bicārū | dharama jāi sira pātaka-bhārū ||
तुम्ह तौ देहु सरल सिख सोई । जो आचरत मोर भल होई ॥
जद्यपि यह समुझत हउँ नीकें । तदपि होत परितोष न जी कें ॥
tumha tau dehu sarala sikha soī | jo ācarata mora bhala hoī ||
jadyapi yaha samujhata haum̐ nīkeṃ | tadapi hota paritoṣa na jī keṃ ||
अब तुम्ह बिनय मोरि सुनि लेहू । मोहि अनुहरत सिखावन देहू ॥
ऊतरु देउँ छमब अपराधू । दुखित दोष-गुन गनहिँ न साधू ॥
aba tumha binaya mori suni lehū | mohi anuharata sikhāvana dehū ||
ūtaru deum̐ chamaba aparādhū | dukhita doṣa-guna ganahim̐ na sādhū ||
पितु सुरपुर सिय-राम बन, करन कहहु मोहि राज ।
एहि तेँ जानहु मोर हित, कै आपन बड़ काज ॥
pitu surapura siya-rāma bana, karana kahahu mohi rāja |
ehi tem̐ jānahu mora hita, kai āpana bar̤a kāja ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0