कौसल्या धरि धीरज कहई । पूत पथ्य गुरु आयसु अहई ॥
सो आदरिअ करिअ हित मानी । तजिअ बिषाद काल-गति जानी ॥
kausalyā dhari dhīraja kahaī | pūta pathya guru āyasu ahaī ||
so ādaria karia hita mānī | tajia biṣāda kāla-gati jānī ||
Ayodhya Kanda
Chapter 176: Kaushalya adds her plea, Bharata is overwhelmed
6 verses · 176 of 326
What happens in this chapter
Kaushalya adds her plea, Bharata is overwhelmed
Kaushalya gathers herself. The guru's order is wholesome, son; honour it and give up despair. Rama is in the forest and the king in heaven; if you lose heart, who will hold everyone up? Family, people, ministers and mothers all lean on you. Be steady, she pleads; obey the guru and end the city's pain. The guru's words and the ministers' approval fall like cool sandal on Bharata's heart. But his mother's soft words, steeped in love, overwhelm him; tears pour from his lotus eyes and water new shoots of separation in his breast. All present forget their bodies watching him, and Tulsidas calls him the limit of natural love. Then Bharata, joining his hands, answers each fittingly.
बन-रघुपति सुरपुर-नरनाहू । तुम्ह एहि भाँति तात कदराहू ॥
परिजन प्रजा सचिव सब अम्बा । तुम्हहीं सुत सब कहँ अवलम्बा ॥
bana-raghupati surapura-naranāhū | tumha ehi bhām̐ti tāta kadarāhū ||
parijana prajā saciva saba ambā | tumhahīṃ suta saba kaham̐ avalambā ||
लखि विधि बाम काल कठिनाई । धीरज धरहु मातु बलि जाई ॥
सिर धरि गुरु आयसु अनुसरहू । प्रजा पालि पुरजन दुख हरहू ॥
lakhi vidhi bāma kāla kaṭhināī | dhīraja dharahu mātu bali jāī ||
sira dhari guru āyasu anusarahū | prajā pāli purajana dukha harahū ||
गुरु के बचन सचिव अभिनन्दन । सुने भरत हिय हित जनु चन्दन ॥
सुनी बहोरि मातु मृदु बानी । सील सनेह सरल रस सानी ॥
guru ke bacana saciva abhinandana | sune bharata hiya hita janu candana ||
sunī bahori mātu mṛdu bānī | sīla saneha sarala rasa sānī ||
सानी सरल रस मातु, बानी, सुनि भरत ब्याकुल भये ।
लोचन सरोरुह स्त्रवत सींचत, बिरह उर अङ्कुर नये ॥
से दसा देखत समय तेहि बिसरी सबहि सुधि देह की ।
तुलसी सराहत सकल सादर, सीवँ सहज सनेह की ॥
sānī sarala rasa mātu, bānī, suni bharata byākula bhaye |
locana saroruha stravata sīṃcata, biraha ura aṅkura naye ||
se dasā dekhata samaya tehi bisarī sabahi sudhi deha kī |
tulasī sarāhata sakala sādara, sīvam̐ sahaja saneha kī ||
भरतु कमल कर जोरि, धीर-धुरन्धर धीर धरि ।
बचन अमिय जनु बोरि, देत उचित उत्तर सबहि ॥
bharatu kamala kara jori, dhīra-dhurandhara dhīra dhari |
bacana amiya janu bori, deta ucita uttara sabahi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0