नृप-तनु बेद-बिदित अन्हवावा । परम विचित्र विमान बनावा ॥
गहि पद भरत मातु सब राखी । रहीं राम-दरसन अभिलाषी ॥
nṛpa-tanu beda-bidita anhavāvā | parama vicitra vimāna banāvā ||
gahi pada bharata mātu saba rākhī | rahīṃ rāma-darasana abhilāṣī ||
Ayodhya Kanda
Chapter 170: The last rites of King Dasharatha
5 verses · 170 of 326
What happens in this chapter
The last rites of King Dasharatha
The king's body is bathed as the Veda prescribes and a splendid bier is made. Bharata clasps the feet of the mothers and keeps them from the pyre, for they still long to see Rama. Loads of sandalwood, aloe and fragrances arrive. On the bank of the Sarayu a pyre rises like a stairway to the city of the gods. The rites are done; Bharata bathes and offers water with sesame. Consulting Smriti, Veda and Purana, he performs the ten-day rites, doing everything a thousandfold as the sage directs. Made pure, he gives away cows, horses, elephants, a throne, ornaments, grain, land and houses, until the Brahmins have every wish fulfilled.
चन्दन अगर भार बहु आये । अमित अनेक सुगन्ध सुहाये ॥
सरजु-तीर रचि चिता बनाई । जनु सुर-पुर-सोपान सुहाई ॥
candana agara bhāra bahu āye | amita aneka sugandha suhāye ||
saraju-tīra raci citā banāī | janu sura-pura-sopāna suhāī ||
एहि बिधि दाह क्रिया सब कीन्ही । बिधिवत न्हाइ तिलांजुलि दीन्ही ॥
सोधि सुमृति सब बेद पुराना । कीन्ह भरत दसगात विधाना ॥
ehi bidhi dāha kriyā saba kīnhī | bidhivata nhāi tilāṃjuli dīnhī ||
sodhi sumṛti saba beda purānā | kīnha bharata dasagāta vidhānā ||
जहँ जस मुनिबर आयसु दीन्हा । तहँ तस सहस भाँति सब कीन्हा ॥
भये बिसुद्ध दिये सब दाना । धेनु बाजि गज बाहन नाना ॥
jaham̐ jasa munibara āyasu dīnhā | taham̐ tasa sahasa bhām̐ti saba kīnhā ||
bhaye bisuddha diye saba dānā | dhenu bāji gaja bāhana nānā ||
सिंहासन भूषन बसन, अन्न धरनि धन धाम ।
दिये भरत लहि भूमिसुर, भे परिपूरन-काम ॥
siṃhāsana bhūṣana basana, anna dharani dhana dhāma |
diye bharata lahi bhūmisura, bhe paripūrana-kāma ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0