5 verses · 162 of 326
Bharata goes on: when this evil plan took root in your mind, why did your heart not shatter? Asking the boons, did your tongue not rot? At his death hour fate took the king's reason. Even the Creator, he says, does not know the working of a woman's heart, a mine of deceit, sin and fault; how could the simple, gentle, dharma-loving king know it? What creature does not hold Raghunatha dear as life? Yet even he became your enemy; tell me honestly, who are you? Whatever you are, blacken your face and go from my sight. The doha: fate made me from the heart of Rama's enemy; who is as great a sinner as I? It is useless to say anything to you.
जब तैं कुमति कुमत जियँ ठयऊ । खंड खंड होइ ह्रदउ न गयऊ ॥
बर माँगत मन भइ नहिं पीरा । गरि न जीह मुहँ परेउ न कीरा ॥
jaba taiṃ kumati kumata jiyam̐ ṭhayaū | khaṃḍa khaṃḍa hoi hradau na gayaū ||
bara mām̐gata mana bhai nahiṃ pīrā | gari na jīha muham̐ pareu na kīrā ||
भूपँ प्रतीति तोरि किमि कीन्ही । मरन काल विधि मति हरि लीन्ही ॥
बिधिहुँ न नारि हृदय गति जानी । सकल कपट-अघ-अवगुन-खानी ॥
bhūpam̐ pratīti tori kimi kīnhī | marana kāla vidhi mati hari līnhī ||
bidhihum̐ na nāri hṛdaya gati jānī | sakala kapaṭa-agha-avaguna-khānī ||
सरल सुसील धरम-रत राऊ । सो किमि जानइ तीय सुभाऊ ॥
अस को जीव-जन्तु जग माहीं । जेहि रघुनाथ प्रान-प्रिय नाहीं ॥
sarala susīla dharama-rata rāū | so kimi jānai tīya subhāū ||
asa ko jīva-jantu jaga māhīṃ | jehi raghunātha prāna-priya nāhīṃ ||
भे अति अहित राम तेउ तोही । को तू अहसि सत्य कहु मोही ॥
जो हसि सो हसि मुँह मसि लाई । आँखि ओट उठि बैठहिँ जाई ॥
bhe ati ahita rāma teu tohī | ko tū ahasi satya kahu mohī ||
jo hasi so hasi mum̐ha masi lāī | ām̐khi oṭa uṭhi baiṭhahim̐ jāī ||
राम-बिरोधी-हृदय तें, प्रगट कीन्ह बिधि मोहि ।
मो समान को पातकी, बादि कहउँ कछु तोहि ॥
rāma-birodhī-hṛdaya teṃ, pragaṭa kīnha bidhi mohi |
mo samāna ko pātakī, bādi kahaum̐ kachu tohi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
