जग-पेखन तुम्ह देखनिहारे । बिधि हरि सम्भु नचावनिहारे ॥
तेउ न जानहिँ मरम तुम्हारा । अउर तुम्हहिं को जाननिहारा ॥
jaga-pekhana tumha dekhanihāre | bidhi hari sambhu nacāvanihāre ||
teu na jānahim̐ marama tumhārā | aura tumhahiṃ ko jānanihārā ||
Ayodhya Kanda
Chapter 127: Valmiki on knowing the Lord
5 verses · 127 of 326
What happens in this chapter
Valmiki on knowing the Lord
Valmiki tells who Shri Rama is. The world is a spectacle and he its witness; he makes Brahma, Vishnu and Shambhu dance, and even they do not know his secret. Only the one he chooses to reveal himself to knows him, and knowing him becomes one with him. Devotees know him by his grace alone. His body is consciousness and bliss, free of change; he has taken human form for the saints and devas, and speaks and acts like an ordinary king. His deeds bewilder the dull and delight the wise, for one must dance as one is costumed. In the doha the muni says gently that he hesitates to answer the question: tell me where you are not, and I will show you a place.
सोइ जानइ जेहि देहु जनाई । जानत तुम्हहिँ तुम्हइ होइ जाई ॥
तुम्हरिहि कृपाँ तुम्हहिं रघुनन्दन । जानहिँ भगत भगत उर-चन्दन ॥
soi jānai jehi dehu janāī | jānata tumhahim̐ tumhai hoi jāī ||
tumharihi kṛpām̐ tumhahiṃ raghunandana | jānahim̐ bhagata bhagata ura-candana ||
चिदानन्द-मय देह तुम्हारी । बिगत-बिकार जान अधिकारी ॥
नर तनु धरेउ सन्त-सुर-काजा । कहहु करहु जस प्राकृत-राजा ॥
cidānanda-maya deha tumhārī | bigata-bikāra jāna adhikārī ||
nara tanu dhareu santa-sura-kājā | kahahu karahu jasa prākṛta-rājā ||
राम देखि सुनि चरित तुम्हारे । जड़ मोहहिँ बुध होहिं सुखारे ॥
तुम्ह जो कहहु करहु सब साँचा । जस काछिअ तस चाहिय नाचा ॥
rāma dekhi suni carita tumhāre | jar̤a mohahim̐ budha hohiṃ sukhāre ||
tumha jo kahahu karahu saba sām̐cā | jasa kāchia tasa cāhiya nācā ||
पूँछेहु मोहि कि रहउँ कहँ, मैं पूछत सकुचाउँ ।
जहँ न होहु तहँ देहु कहि, तुम्हहिँ देखावौं ठाउँ ॥
pūm̐chehu mohi ki rahaum̐ kaham̐, maiṃ pūchata sakucāum̐ |
jaham̐ na hohu taham̐ dehu kahi, tumhahim̐ dekhāvauṃ ṭhāum̐ ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0