देखि पाय मुनि-राय तुम्हारे । भये सुकृत सब सुफल हमारे ॥
अब जहँ राउर आयसु होई । मुनि उदबेग न पावै कोई ॥
dekhi pāya muni-rāya tumhāre | bhaye sukṛta saba suphala hamāre ||
aba jaham̐ rāura āyasu hoī | muni udabega na pāvai koī ||
Ayodhya Kanda
Chapter 126: Shri Rama asks where to dwell
6 verses · 126 of 326
What happens in this chapter
Shri Rama asks where to dwell
Shri Rama says the sight of the muni's feet has made all his merit bear fruit. He wishes to live where Valmiki directs, where no sage is disturbed, for kings who trouble ascetics burn without fire, while a brahmana's content is the root of good and his anger destroys countless generations. So let the muni show him a place for a leaf hut. Valmiki answers 'Sadhu, sadhu': how could the guardian of the Vedic bridge speak otherwise? The chhand declares Shri Rama the Lord of the worlds, Janaki his Maya who creates, sustains and dissolves, and Lakshmana the thousand-headed Shesha, come in human form to destroy the demon hosts. The soratha says his form is beyond speech and mind; the Veda can only say 'not this'.
मुनि-तापस जिन्ह तेँ दुख लहहीं । ते नरेस बिनु पावक दहहीँ ॥
मङ्गल-मूल विप्र-परितोषू । दहइ कोटि-कुल भूसुर रोषू ॥
muni-tāpasa jinha tem̐ dukha lahahīṃ | te naresa binu pāvaka dahahīm̐ ||
maṅgala-mūla vipra-paritoṣū | dahai koṭi-kula bhūsura roṣū ||
अस जियँ जानि कहिय सोइ ठाऊँ । सिय-सौमित्रि-सहित जहँ जाऊँ ॥
तहँ रचि रुचिर परन-तन-साला । बास करउँ कछु काल कृपाला ॥
asa jiyam̐ jāni kahiya soi ṭhāūm̐ | siya-saumitri-sahita jaham̐ jāūm̐ ||
taham̐ raci rucira parana-tana-sālā | bāsa karaum̐ kachu kāla kṛpālā ||
सहज सरल सुनि रघुबर बानी । साधु साधु बोले मुनि-ज्ञानी ॥
कस न कहहु अस रघुकुल-केतू । तुम्ह पालक सन्तत श्रुति-सेतू ॥
sahaja sarala suni raghubara bānī | sādhu sādhu bole muni-jñānī ||
kasa na kahahu asa raghukula-ketū | tumha pālaka santata śruti-setū ||
श्रुति-सेतु पालक राम तुम्ह जगदीस माया जानकी ।
जो सृजति जग पालति हरति रुख, पाइ कृपानिधान की ॥
जो सहससीसु-अहीस महिधर, लखन सचराचर धनी ।
सुर काज धरि नरराज तनु चले, दलन खल निसिचर अनी ॥
śruti-setu pālaka rāma tumha jagadīsa māyā jānakī |
jo sṛjati jaga pālati harati rukha, pāi kṛpānidhāna kī ||
jo sahasasīsu-ahīsa mahidhara, lakhana sacarācara dhanī |
sura kāja dhari nararāja tanu cale, dalana khala nisicara anī ||
राम सरूप तुम्हार, बचन अगोचर बुद्धि पर ।
अबिगत अकथ अपार, नेति नित निगम कह ॥
rāma sarūpa tumhāra, bacana agocara buddhi para |
abigata akatha apāra, neti nita nigama kaha ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0