रघुपति अनुजहि आवत देखी । बाहिज चिन्ता कीन्ह बिसेखी ॥
जनकसुता परिहरिहु अकेली । आयहु तात बचन मम पेली ॥
raghupati anujahi āvata dekhī | bāhija cintā kīnha bisekhī ||
janakasutā pariharihu akelī | āyahu tāta bacana mama pelī ||
Aranya Kanda
Chapter 30: Rama searches and grieves for Sita
10 verses · 30 of 46
What happens in this chapter
Rama searches and grieves for Sita
Seeing his brother coming, Rama shows outward worry: you left Janaki alone against my word; rakshasas roam this forest and my heart says Sita is not at the ashram. Lakshmana clasps his feet: Lord, the fault is not mine. They reach the ashram by the Godavari, and finding it empty, Rama grieves like an ordinary man: ah Janaki, mine of virtues, pure in beauty and vows. Rama asks the birds, deer and bees whether they have seen the doe-eyed one; the creatures whose beauty she outshone rejoice today as if crowned. Tulsidas reminds us that Rama, ever fulfilled and imperishable, is only playing a man's part. Ahead they find the vulture king lying there, remembering Rama's feet; Rama touches his head and all his pain is gone.
निसिचर-निकर फिरहिँ बन माहीं । मम मन सीता आश्रम नाहीं ॥
गहि पद-कमल अनुज कर जोरी । कहेउ नाथ कछु मोहि न खोरी ॥
nisicara-nikara phirahim̐ bana māhīṃ | mama mana sītā āśrama nāhīṃ ||
gahi pada-kamala anuja kara jorī | kaheu nātha kachu mohi na khorī ||
अनुज समेत गये प्रभु तहवाँ । गोदावरि-तट आश्रम जहवाँ ॥
आश्रम देखि जानकी हीना । भए बिकल जस प्राकृत दीना ॥
anuja sameta gaye prabhu tahavām̐ | godāvari-taṭa āśrama jahavām̐ ||
āśrama dekhi jānakī hīnā | bhae bikala jasa prākṛta dīnā ||
हा गुन खानि जानकी सीता । रूप-सील ब्रत नेम पुनीता ॥
लछिमन समुझाये बहु भाँती । पूछत चले लता तरु पाँती ॥
hā guna khāni jānakī sītā | rūpa-sīla brata nema punītā ||
lachimana samujhāye bahu bhām̐tī | pūchata cale latā taru pām̐tī ||
हे खग मृग हे मधुकर श्रेनी । तुम्ह देखी सीला मृगनैनी ॥
खंजन सुक कपोत मग मीना । मधुप निकर कोकिला प्रबीना ॥
he khaga mṛga he madhukara śrenī | tumha dekhī sīlā mṛganainī ||
khaṃjana suka kapota maga mīnā | madhupa nikara kokilā prabīnā ||
कुन्द कली दाडिम दामिनी । कमल सरद ससि अहिभामिनी ॥
बरुन पास मनोज धनु हंसा । गज केहरि निज सुनत प्रसंसा ॥
kunda kalī dāḍima dāminī | kamala sarada sasi ahibhāminī ||
baruna pāsa manoja dhanu haṃsā | gaja kehari nija sunata prasaṃsā ||
श्रीफल कनक कदलि हरषाहीं । नेकु न सङ्क सकुच मन माहीं ॥
सुनु जानकी तोहि बिनु आजू । हरषे सकल पाई जनु राजू ॥
śrīphala kanaka kadali haraṣāhīṃ | neku na saṅka sakuca mana māhīṃ ||
sunu jānakī tohi binu ājū | haraṣe sakala pāī janu rājū ||
किमि सहि जात अनख तोहि पाहीं । प्रिया बेगि प्रगटसि कस नाहीं ॥
एहि बिधि खोजत बिलपत स्वामी । मनहुँ महा बिरही अति कामी ॥
kimi sahi jāta anakha tohi pāhīṃ | priyā begi pragaṭasi kasa nāhīṃ ||
ehi bidhi khojata bilapata svāmī | manahum̐ mahā birahī ati kāmī ||
पूरनकाम-राम सुख रासी । मनुज चरित कर अज अबिनासी ॥
आगे परा गीधपति देखा । सुमिरत राम-चरन जिन्ह रेखा ॥
pūranakāma-rāma sukha rāsī | manuja carita kara aja abināsī ||
āge parā gīdhapati dekhā | sumirata rāma-carana jinha rekhā ||
कर-सरोज सिर परसेउ, कृपासिन्धु रधुबीर ।
निरखि राम छवि-धाम-मुख, बिगत भई सब पीर ॥
kara-saroja sira paraseu, kṛpāsindhu radhubīra |
nirakhi rāma chavi-dhāma-mukha, bigata bhaī saba pīra ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0