तब कह गीध बचन धरि धीरा । सुनहु राम भञ्जन-भव-भीरा ॥
नाथ दसानन यह गति कीन्ही । तेहि खल जनक-सुता हरि लीन्ही ॥
taba kaha gīdha bacana dhari dhīrā | sunahu rāma bhañjana-bhava-bhīrā ||
nātha dasānana yaha gati kīnhī | tehi khala janaka-sutā hari līnhī ||
Aranya Kanda
Chapter 31: Jatayu's last words to Rama
6 verses · 31 of 46
What happens in this chapter
Jatayu's last words to Rama
Steadying himself, Jatayu speaks: Rama Ravana did this to me. That wretch has carried off Janaki and gone south with her. I held on to my life only to see you; now it wishes to go. Rama says: keep your body, father. Jatayu smiles: he whose name on a dying man's lips frees even the lowest, so the Veda sings, stands before my eyes; for what lack should I keep this body? With brimming eyes Raghuraya replies: father, you have won your state by your own deeds. Leave the body and go to my abode; what can I give you, who lack nothing? Do not tell my father of Sita's abduction. If I am Rama, Ravana himself will come with his clan and tell it.
लेइ दच्छिन-दिसि गयउ गोसाँई । बिलपति अति कुररी की नाँई ॥
दरस लागि प्रभु राखेंउँ प्राना । चलन चहत अब कृपानिधाना ॥
lei dacchina-disi gayau gosām̐ī | bilapati ati kurarī kī nām̐ī ||
darasa lāgi prabhu rākheṃum̐ prānā | calana cahata aba kṛpānidhānā ||
राम कहा तनु राखहु ताता । मुख मुसकाइ कही तेहिं बाता ॥
जा कर नाम मरत मुख आवा । अधमउ मुकुत होइ श्रुति गावा ॥
rāma kahā tanu rākhahu tātā | mukha musakāi kahī tehiṃ bātā ||
jā kara nāma marata mukha āvā | adhamau mukuta hoi śruti gāvā ||
सो मम लोचन गोचर भागे । राखौं देह नाथ केहि खाँगें ॥
जल भरि नयन कहिँ रघुराई । तात करम निज ते गतिं पाई ॥
so mama locana gocara bhāge | rākhauṃ deha nātha kehi khām̐geṃ ||
jala bhari nayana kahim̐ raghurāī | tāta karama nija te gatiṃ pāī ||
परहित बल जिन्ह के मन माहीं । तिन्ह कह जग दुर्लभ कछु नाहीं ॥
तनु तजि तात जाहु मम धामा । देउँ काह, तुम्ह पूरनकामा ॥
parahita bala jinha ke mana māhīṃ | tinha kaha jaga durlabha kachu nāhīṃ ||
tanu taji tāta jāhu mama dhāmā | deum̐ kāha, tumha pūranakāmā ||
सीता-हरन तात जनि, कहहु पिता सन जाइ ।
जौँ मैं राम त कुल सहित, कहिहि दसानन आइ ॥
sītā-harana tāta jani, kahahu pitā sana jāi |
jaum̐ maiṃ rāma ta kula sahita, kahihi dasānana āi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0