प्रेरित मन्त्र ब्रह्म-सर धावा । चला भाजि बायस भय पावा ॥
धरि निज-रूप गयउ पितु पाहीं । राम बिमुख राखा तेहि नाहीं ॥
prerita mantra brahma-sara dhāvā | calā bhāji bāyasa bhaya pāvā ||
dhari nija-rūpa gayau pitu pāhīṃ | rāma bimukha rākhā tehi nāhīṃ ||
Aranya Kanda
Chapter 2: No refuge for Jayanta but Rama's feet
8 verses · 2 of 46
What happens in this chapter
No refuge for Jayanta but Rama's feet
The grass blade, charged with mantra as a Brahma-astra, chases the crow. Jayanta takes his true form and runs to his father Indra, who will not shelter one hostile to Rama. Like Durvasa fleeing the Sudarshana chakra, he wanders through Brahmaloka, Shiva's city and every world, and nobody even offers him a seat. Shiva, telling Uma, draws the lesson: for the one who turns from Raghubir, mother becomes death, father becomes Yama, nectar turns to poison, a friend acts like a hundred enemies and the Ganga becomes the Vaitarani. Narada, soft of heart, pities him and sends him to Rama. Jayanta clasps the Lord's feet, crying that he reaped the fruit of his own deed and now seeks refuge. Rama, though death was deserved, spares him, taking only one eye.
भा निरास उपजी मन त्रासा । जथा चक्र-भय रिषि दुर्वासा ॥
ब्रह्मधाम सिवपुर सब लोका । फिरा अमित ब्याकुल भय सोका ॥
bhā nirāsa upajī mana trāsā | jathā cakra-bhaya riṣi durvāsā ||
brahmadhāma sivapura saba lokā | phirā amita byākula bhaya sokā ||
काहूँ बैठन कहा न ओही । राखि को सकइ राम कर द्रोही ॥
मातु मृत्यु पितु समन समाना । सुधा होइ बिष सुनु, हरिजाना ॥
kāhūm̐ baiṭhana kahā na ohī | rākhi ko sakai rāma kara drohī ||
mātu mṛtyu pitu samana samānā | sudhā hoi biṣa sunu, harijānā ||
मित्र करइ सत-रिपु कै करनी । ता कहँ बिबुधनदी-बैतरनी ॥
सब जग तेहि अनलहु ते ताता । जो रघुबीर बिमुख सुनु भ्राता ॥
mitra karai sata-ripu kai karanī | tā kaham̐ bibudhanadī-baitaranī ||
saba jaga tehi analahu te tātā | jo raghubīra bimukha sunu bhrātā ||
नारद देखा बिकल जयन्ता । लागि दया कोमल चित सन्ता ॥
पठवा तुरत राम पहिँ ताही । कहेसि पुकारि प्रनत-हित पाही ॥
nārada dekhā bikala jayantā | lāgi dayā komala cita santā ||
paṭhavā turata rāma pahim̐ tāhī | kahesi pukāri pranata-hita pāhī ||
आतुर सभय गहेसि पद जाई । त्राहि त्राहि दयाल रघुराई ॥
अतुलित-बल अतुलित-प्रभुताई । मैं मति-मन्द जानि नहिं पाई ॥
ātura sabhaya gahesi pada jāī | trāhi trāhi dayāla raghurāī ||
atulita-bala atulita-prabhutāī | maiṃ mati-manda jāni nahiṃ pāī ||
निज कृत करम जनित फल पायउँ । अब प्रभु पाहि सरन तकि आयउँ ॥
सुनि कृपाल अति-आरत-बानी । एक नयन करि तजा भवानी ॥
nija kṛta karama janita phala pāyaum̐ | aba prabhu pāhi sarana taki āyaum̐ ||
suni kṛpāla ati-ārata-bānī | eka nayana kari tajā bhavānī ||
कीन्ह मोह-बस द्रोह, जद्यपि तेहि कर बध उचित ।
प्रभु छाड़ेउ करि छोह, को कृपाल रघुबीर सम ॥
kīnha moha-basa droha, jadyapi tehi kara badha ucita |
prabhu chār̤eu kari choha, ko kṛpāla raghubīra sama ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0