एवमस्तु कहि रमानिवासा । हरषि चले कुम्भज-रिषि पासा ॥
बहुत दिवस गुरु दरसन पाये । भये मोहि एहिं आश्रम आये ॥
evamastu kahi ramānivāsā | haraṣi cale kumbhaja-riṣi pāsā ||
bahuta divasa guru darasana pāye | bhaye mohi ehiṃ āśrama āye ||
Aranya Kanda
Chapter 12: Sutikshna leads Rama to Agastya
8 verses · 12 of 46
What happens in this chapter
Sutikshna leads Rama to Agastya
Saying so be it, Rama sets out for the ashram of Agastya. Sutikshna has a clever thought: it is long since I saw my guru, so I will go along, and it is no favour to you. Rama laughs and takes him. On the way the Lord speaks of his own matchless bhakti. Sutikshna runs ahead and tells his guru that the prince of Kosala has come with his brother and Vaidehi, the Rama whose name you repeat night and day. Agastya leaps up, eyes brimming. The brothers fall at his feet; he clasps them to his heart, seats them and worships them. All the munis gaze at Rama like chakor birds drinking the autumn moon.
अब प्रभु सङ्ग जाउँ गुरु पाहीं । तुम्ह कहँ नाथ निहोरा नाहीं ॥
देखि कृपानिधि मुनि चतुराई । लिये सङ्ग बिहँ से दोउ भाई ॥
aba prabhu saṅga jāum̐ guru pāhīṃ | tumha kaham̐ nātha nihorā nāhīṃ ||
dekhi kṛpānidhi muni caturāī | liye saṅga biham̐ se dou bhāī ||
पन्थ कहत निज-भगति अनूपा । मुनि आश्रम पहुँचे सुरभूपा ॥
तुरत सुतीछन गुरु पहिँ गयऊ । करि दंडवत कहत अस भयऊ ॥
pantha kahata nija-bhagati anūpā | muni āśrama pahum̐ce surabhūpā ||
turata sutīchana guru pahim̐ gayaū | kari daṃḍavata kahata asa bhayaū ||
नाथ कौसलाधीस कुमारा । आए मिलन जगत-आधारा ॥
राम अनुज समेत बैदेही । निसि दिन देव जपत हहु जेही ॥
nātha kausalādhīsa kumārā | āe milana jagata-ādhārā ||
rāma anuja sameta baidehī | nisi dina deva japata hahu jehī ||
सुनत अगस्ति तुरत उठि धाये । हरि बिलोकि लोचन जल छाये ॥
मुनि पद कमल परे दोउ भाई । रिषि अति प्रीति लिये उर लाई ॥
sunata agasti turata uṭhi dhāye | hari biloki locana jala chāye ||
muni pada kamala pare dou bhāī | riṣi ati prīti liye ura lāī ||
सादर कुसल पूछि मुनि ग्यानी । आसन बर बैठारे आनी ॥
पुनि करि बहु प्रकार प्रभु पूजा । मोहि सम भाग्यवन्त नहिँ दूजा ॥
sādara kusala pūchi muni gyānī | āsana bara baiṭhāre ānī ||
puni kari bahu prakāra prabhu pūjā | mohi sama bhāgyavanta nahim̐ dūjā ||
जहँ लगि रहे अपर मुनि बृन्दा । हरषे सब बिलोकि सुखकन्दा ॥
jaham̐ lagi rahe apara muni bṛndā | haraṣe saba biloki sukhakandā ||
मुनि-समूह महँ बैठे, सन्मुख सब की ओर ।
सरद-इन्दु तन चितवत, मानहुँ निकर चकोर ॥
muni-samūha maham̐ baiṭhe, sanmukha saba kī ora |
sarada-indu tana citavata, mānahum̐ nikara cakora ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0