10 verses · 13 of 46
Rama tells Agastya: you know why I have come; give me the counsel to slay the enemies of the munis. The sage smiles. Your Maya is a vast fig tree, each fruit full of universes, and Kala, which eats those fruits, fears you; yet you ask me as a man asks. My boon: dwell in my heart with Shri and your brother, and give me unbroken bhakti and satsang. I know you as formless Brahman, yet again and again I delight in Brahman with form. There is a holy place called Panchavati; purify the Dandaka forest, lift the muni's fierce curse, and live there. Rama goes, makes friends with the vulture king Jatayu, and builds a leaf hut near the Godavari.
तब रघुबीर कहा मुनि पाहीं । तुम्ह सन प्रभु दुराव कछु नाही ॥
तुम्ह जानहु जेहि कारन आयउँ । ताते तात न कहि समुझायउँ ॥
taba raghubīra kahā muni pāhīṃ | tumha sana prabhu durāva kachu nāhī ||
tumha jānahu jehi kārana āyaum̐ | tāte tāta na kahi samujhāyaum̐ ||
अब सो मन्त्र देहु प्रभु मोही । जेहि प्रकार मारौं मुनिद्रोही ॥
मुनि मुसकाने सुनि प्रभु बानी । पूछेहु नाथ मोहि का जानी ॥
aba so mantra dehu prabhu mohī | jehi prakāra mārauṃ munidrohī ||
muni musakāne suni prabhu bānī | pūchehu nātha mohi kā jānī ||
तुम्हरेइँ भजन-प्रभाव अघारी । जानउँ महिमा कछुक तुम्हारी ॥
ऊमरि तरु बिसाल तब माया । पल ब्रह्मांड अनेक निकाया ॥
tumhareim̐ bhajana-prabhāva aghārī | jānaum̐ mahimā kachuka tumhārī ||
ūmari taru bisāla taba māyā | pala brahmāṃḍa aneka nikāyā ||
जीव चराचर जन्तु समाना । भीतर बसहि न जानहिँ आना ॥
ते फल भच्छक कठिन कराला । तव भयं डरत सदा सोउ काला ॥
jīva carācara jantu samānā | bhītara basahi na jānahim̐ ānā ||
te phala bhacchaka kaṭhina karālā | tava bhayaṃ ḍarata sadā sou kālā ||
ते तुम्ह सकल-लोकपति-साँई । पूँछेहु मोहि मनुज की नाँई ॥
यह बर माँगउँ कृपानिकेता । बसहु हृदयँ श्री-अनुज-समेता ॥
te tumha sakala-lokapati-sām̐ī | pūm̐chehu mohi manuja kī nām̐ī ||
yaha bara mām̐gaum̐ kṛpāniketā | basahu hṛdayam̐ śrī-anuja-sametā ||
अबिरल भगति बिरति सतसंगा । चरन-सरोरुह प्रीति अभङ्गा ॥
जद्यपि ब्रह्म अखंड अनन्ता । अनुभव गम्य भजहिँ जेहि सन्ता ॥
abirala bhagati birati satasaṃgā | carana-saroruha prīti abhaṅgā ||
jadyapi brahma akhaṃḍa anantā | anubhava gamya bhajahim̐ jehi santā ||
अस तव रूप बखानउँ जानउँ । फिरि फिरि सगुन ब्रह्म रति मानउँ ॥
सन्तत दासन्ह देहु बड़ाई । ता तँ माहि पूछेहु रघुराई ॥
asa tava rūpa bakhānaum̐ jānaum̐ | phiri phiri saguna brahma rati mānaum̐ ||
santata dāsanha dehu bar̤āī | tā tam̐ māhi pūchehu raghurāī ||
है प्रभु परम-मनोहर ठाऊँ । पावन पंचबटी तेहि नाऊँ ॥
दंडक-गन पुनीत प्रभु करहू । उग्र-साप मुनिबर कर हरहू ॥
hai prabhu parama-manohara ṭhāūm̐ | pāvana paṃcabaṭī tehi nāūm̐ ||
daṃḍaka-gana punīta prabhu karahū | ugra-sāpa munibara kara harahū ||
बास करहु तहँ रघुकुल-राया । कीजिय सकल मुनिन्ह पर दाया ॥
चले राम मुनि आयसु पाई । तुरतहिं पंचबटी निअराई ॥
bāsa karahu taham̐ raghukula-rāyā | kījiya sakala muninha para dāyā ||
cale rāma muni āyasu pāī | turatahiṃ paṃcabaṭī niarāī ||
गीधराज साँ भैंट भइ, बहु विधि प्रीति बढ़ाइ ।
गोदावरी निकट प्रभु, रहे परन-गृह छाइ ॥
gīdharāja sām̐ bhaiṃṭa bhai, bahu vidhi prīti bar̤hāi |
godāvarī nikaṭa prabhu, rahe parana-gṛha chāi ||
Text source: Wikisource · Public domain (Tulsidas, 16th c.; 1925 edition, Wikisource PD-1996 tag); transcription CC BY-SA 4.0
