Chapter 10: Sutikshna lost in love on the road

मुनि अगस्ति कर सिष्य सुजाना । नाम सुतीछन रति भगवाना ॥
मन क्रम बचन राम पद सेवक । सपनेहुँ आन भरोस न देवक ॥

muni agasti kara siṣya sujānā | nāma sutīchana rati bhagavānā ||
mana krama bacana rāma pada sevaka | sapanehum̐ āna bharosa na devaka ||

प्रभु आगवन श्रवन सुनि पाना । करत मनोरथ आतुर धावा ॥
हे बिधि दीनबन्धु रघुराया । मे से सठ पर करिहहिं दाया ॥

prabhu āgavana śravana suni pānā | karata manoratha ātura dhāvā ||
he bidhi dīnabandhu raghurāyā | me se saṭha para karihahiṃ dāyā ||

सहित अनुज मोहि राम गोसाँई । मिलिहहिँ निज सेवक की नाई ॥
मोरे जियँ भरोस दृढ़ नाहीं । भगति बिरति न ज्ञान मन माहीं ॥

sahita anuja mohi rāma gosām̐ī | milihahim̐ nija sevaka kī nāī ||
more jiyam̐ bharosa dṛr̤ha nāhīṃ | bhagati birati na jñāna mana māhīṃ ||

नहिँ सतसङ्ग जोग जप जागा । नहिँ दृढ़ चरन कमल अनुरागा ॥
एक बानि करुनानिधान की । सो प्रिय जा के गति न आन की ॥

nahim̐ satasaṅga joga japa jāgā | nahim̐ dṛr̤ha carana kamala anurāgā ||
eka bāni karunānidhāna kī | so priya jā ke gati na āna kī ||

होइहैं सफल आजु मम लोचन । देखि बदन-पङ्कज भव-मोचन ॥
निर्भर-प्रेम-मगन मुनि ज्ञानी । कहि न जाइ सो दसा भवानी ॥

hoihaiṃ saphala āju mama locana | dekhi badana-paṅkaja bhava-mocana ||
nirbhara-prema-magana muni jñānī | kahi na jāi so dasā bhavānī ||

दिसि अरु बिदिसि पन्थ नहिं सूझा । को मैं चलेउँ कहाँ नहिँ बूझा ॥
कबहुँक फिरि पाछें पुनि जाई । कबहुँक नृत्य करइ गुन गाई ॥

disi aru bidisi pantha nahiṃ sūjhā | ko maiṃ caleum̐ kahām̐ nahim̐ būjhā ||
kabahum̐ka phiri pācheṃ puni jāī | kabahum̐ka nṛtya karai guna gāī ||

अबिरल प्रेम-भगति मुनि पाई । प्रभु देखहिँ तरु ओट लुकाई ॥
अतिसय प्रीति देखि रघुबीरा । प्रगटे हृदयँ हरन भव भीरा ॥

abirala prema-bhagati muni pāī | prabhu dekhahim̐ taru oṭa lukāī ||
atisaya prīti dekhi raghubīrā | pragaṭe hṛdayam̐ harana bhava bhīrā ||

मुनि मग माँझ अचल होइ बैसा । पुलक सरीर पनस-फल जैसा ॥
तब रघुनाथ निकट चलि आये । देखि दसा निज जन मन भाए ॥

muni maga mām̐jha acala hoi baisā | pulaka sarīra panasa-phala jaisā ||
taba raghunātha nikaṭa cali āye | dekhi dasā nija jana mana bhāe ||

मुनिहि राम बहु भाँति जगावा । जाग न ध्यान-जनित सुख पावा ॥
भूप-रूप तब राम दुरावा । हृदयँ चतुर्भुज-रूप देखावा ॥

munihi rāma bahu bhām̐ti jagāvā | jāga na dhyāna-janita sukha pāvā ||
bhūpa-rūpa taba rāma durāvā | hṛdayam̐ caturbhuja-rūpa dekhāvā ||

मुनि अकुलाइ उठा पुनि कैसें । बिकल हीन-मनि फनि बर जैसें ॥
आगें देखि राम तन-स्यामा । सीता अनुज सहित सुख-धामा ॥

muni akulāi uṭhā puni kaiseṃ | bikala hīna-mani phani bara jaiseṃ ||
āgeṃ dekhi rāma tana-syāmā | sītā anuja sahita sukha-dhāmā ||

परेउ लकुट इव चरनन्हि लागी । प्रेम-मगन मुनिबर बड़भागी ॥
भुज-बिसाल गहि लिये उठाई । परम-प्रीति राखे उर लाई ॥

pareu lakuṭa iva carananhi lāgī | prema-magana munibara bar̤abhāgī ||
bhuja-bisāla gahi liye uṭhāī | parama-prīti rākhe ura lāī ||

मुनिहि मिलत अस सोह कृपाला । कनक तरुहि जनु भेँट तमाला ॥
राम बदन बिलोक मुनि ठाढ़ा । मानहुँ चित्र माँझ लिखि काढा ॥

munihi milata asa soha kṛpālā | kanaka taruhi janu bhem̐ṭa tamālā ||
rāma badana biloka muni ṭhār̤hā | mānahum̐ citra mām̐jha likhi kāḍhā ||