क॒दा भु॑व॒न्रथ॑क्षयाणि॒ ब्रह्म॑ क॒दा स्तो॒त्रे स॑हस्रपो॒ष्यं॑ दाः ।
क॒दा स्तोमं॑ वासयोऽस्य रा॒या क॒दा धिय॑ः करसि॒ वाज॑रत्नाः
kadā bhuvanrathakṣayāṇi brahma kadā stotre sahasrapoṣyaṃ dāḥ |
kadā stomaṃ vāsayo'sya rāyā kadā dhiyaḥ karasi vājaratnāḥ
Mandala 6
Sukta 35: When will you answer our prayer, Indra?
Rishi: नरो भरद्वाजः · Devata: इन्द्रः · Metre: त्रिष्टुप्
5 verses · 35 of 75
What happens in this chapter
When will you answer our prayer, Indra?
Nara, son of Bharadvaja, questions Indra in trishtubh with longing. When will our prayers find a home on your chariot? When will you give the singer wealth that feeds a thousand? When will you clothe our hymn with riches and make our thoughts bring prizes? When will you match men with men and heroes with heroes and win the races? Grant cows of three colours and heavenly glory. The rishi asks for cows, bright horses and nourishment, a cow that milks well, and that the Bharadvajas shine. He closes by asking Indra to quicken the Angirases with prayer and not to leave them dry.
कर्हि॑ स्वि॒त्तदि॑न्द्र॒ यन्नृभि॒र्नॄन्वी॒रैर्वी॒रान्नी॒ळया॑से॒ जया॒जीन् ।
त्रि॒धातु॒ गा अधि॑ जयासि॒ गोष्विन्द्र॑ द्यु॒म्नं स्व॑र्वद्धेह्य॒स्मे
karhi svittadindra yannṛbhirnṝnvīrairvīrānnīḻayāse jayājīn |
tridhātu gā adhi jayāsi goṣvindra dyumnaṃ svarvaddhehyasme
कर्हि॑ स्वि॒त्तदि॑न्द्र॒ यज्ज॑रि॒त्रे वि॒श्वप्सु॒ ब्रह्म॑ कृ॒णव॑ः शविष्ठ ।
क॒दा धियो॒ न नि॒युतो॑ युवासे क॒दा गोम॑घा॒ हव॑नानि गच्छाः
karhi svittadindra yajjaritre viśvapsu brahma kṛṇavaḥ śaviṣṭha |
kadā dhiyo na niyuto yuvāse kadā gomaghā havanāni gacchāḥ
स गोम॑घा जरि॒त्रे अश्व॑श्चन्द्रा॒ वाज॑श्रवसो॒ अधि॑ धेहि॒ पृक्ष॑ः ।
पी॒पि॒हीष॑ः सु॒दुघा॑मिन्द्र धे॒नुं भ॒रद्वा॑जेषु सु॒रुचो॑ रुरुच्याः
sa gomaghā jaritre aśvaścandrā vājaśravaso adhi dhehi pṛkṣaḥ |
pīpihīṣaḥ sudughāmindra dhenuṃ bharadvājeṣu suruco rurucyāḥ
तमा नू॒नं वृ॒जन॑म॒न्यथा॑ चि॒च्छूरो॒ यच्छ॑क्र॒ वि दुरो॑ गृणी॒षे ।
मा निर॑रं शुक्र॒दुघ॑स्य धे॒नोरा॑ङ्गिर॒सान्ब्रह्म॑णा विप्र जिन्व
tamā nūnaṃ vṛjanamanyathā cicchūro yacchakra vi duro gṛṇīṣe |
mā niraraṃ śukradughasya dhenorāṅgirasānbrahmaṇā vipra jinva
Text source: Wikisource · CC BY-SA 4.0 (Wikisource transcription of a public-domain text)