स॒त्रा मदा॑स॒स्तव॑ वि॒श्वज॑न्याः स॒त्रा रायोऽध॒ ये पार्थि॑वासः ।
स॒त्रा वाजा॑नामभवो विभ॒क्ता यद्दे॒वेषु॑ धा॒रय॑था असु॒र्य॑म्
satrā madāsastava viśvajanyāḥ satrā rāyo'dha ye pārthivāsaḥ |
satrā vājānāmabhavo vibhaktā yaddeveṣu dhārayathā asuryam
Mandala 6
Sukta 36: Indra, sole king of all the world
Rishi: नरो भारद्वाजः · Devata: इन्द्रः · Metre: त्रिष्टुप्
5 verses · 36 of 75
What happens in this chapter
Indra, sole king of all the world
Nara, son of Bharadvaja, praises Indra in trishtubh. His joys belong to all people, and so are the riches of the earth; he is the true sharer of spoils, holding the Asura power among the gods. People offer to his might and follow his valour. All helps, manly strengths and teams cling to him, and hymns enter him as rivers enter the sea. The rishi asks him, being praised, to open a well of wealth, for he has become the matchless lord of men, the one king of all the world. Let him hear us, and be our helper in every age.
अनु॒ प्र ये॑जे॒ जन॒ ओजो॑ अस्य स॒त्रा द॑धिरे॒ अनु॑ वी॒र्या॑य ।
स्यू॒म॒गृभे॒ दुध॒येऽर्व॑ते च॒ क्रतुं॑ वृञ्ज॒न्त्यपि॑ वृत्र॒हत्ये॑
anu pra yeje jana ojo asya satrā dadhire anu vīryāya |
syūmagṛbhe dudhaye'rvate ca kratuṃ vṛñjantyapi vṛtrahatye
तं स॒ध्रीची॑रू॒तयो॒ वृष्ण्या॑नि॒ पौंस्या॑नि नि॒युत॑ः सश्चु॒रिन्द्र॑म् ।
स॒मु॒द्रं न सिन्ध॑व उ॒क्थशु॑ष्मा उरु॒व्यच॑सं॒ गिर॒ आ वि॑शन्ति
taṃ sadhrīcīrūtayo vṛṣṇyāni pauṃsyāni niyutaḥ saścurindram |
samudraṃ na sindhava ukthaśuṣmā uruvyacasaṃ gira ā viśanti
स रा॒यस्खामुप॑ सृजा गृणा॒नः पु॑रुश्च॒न्द्रस्य॒ त्वमि॑न्द्र॒ वस्व॑ः ।
पति॑र्बभू॒थास॑मो॒ जना॑ना॒मेको॒ विश्व॑स्य॒ भुव॑नस्य॒ राजा॑
sa rāyaskhāmupa sṛjā gṛṇānaḥ puruścandrasya tvamindra vasvaḥ |
patirbabhūthāsamo janānāmeko viśvasya bhuvanasya rājā
स तु श्रु॑धि॒ श्रुत्या॒ यो दु॑वो॒युर्द्यौर्न भूमा॒भि रायो॑ अ॒र्यः ।
असो॒ यथा॑ न॒ः शव॑सा चका॒नो यु॒गेयु॑गे॒ वय॑सा॒ चेकि॑तानः
sa tu śrudhi śrutyā yo duvoyurdyaurna bhūmābhi rāyo aryaḥ |
aso yathā naḥ śavasā cakāno yugeyuge vayasā cekitānaḥ
Text source: Wikisource · CC BY-SA 4.0 (Wikisource transcription of a public-domain text)