Mandala 6

Sukta 32: New words for the mighty Indra

Rishi: सुहोत्रो भारद्वाजः · Devata: इन्द्रः · Metre: त्रिष्टुप्

5 verses · 32 of 75

What happens in this chapter

New words for the mighty Indra

Suhotra, son of Bharadvaja, says in trishtubh that he has shaped with his mouth new, unheard words for the great, strong and swift Indra, the vajra-bearer. Praised by the poets, Indra lit up the two mothers with the sun and broke the rock, releasing the cows with the singers who chanted rightly. With his kneeling friends he won the cows and broke the strongholds, a poet among poets. The rishi asks him to come to his singer with great strength and many heroes. The hymn ends with the waters Indra set flowing, which run day after day toward their goal and never turn back.

32.1

अपू॑र्व्या पुरु॒तमा॑न्यस्मै म॒हे वी॒राय॑ त॒वसे॑ तु॒राय॑ ।
वि॒र॒प्शिने॑ व॒ज्रिणे॒ शंत॑मानि॒ वचां॑स्या॒सा स्थवि॑राय तक्षम्

apūrvyā purutamānyasmai mahe vīrāya tavase turāya |
virapśine vajriṇe śaṃtamāni vacāṃsyāsā sthavirāya takṣam

32.2

स मा॒तरा॒ सूर्ये॑णा कवी॒नामवा॑सयद्रु॒जदद्रिं॑ गृणा॒नः ।
स्वा॒धीभि॒रृक्व॑भिर्वावशा॒न उदु॒स्रिया॑णामसृजन्नि॒दान॑म्

sa mātarā sūryeṇā kavīnāmavāsayadrujadadriṃ gṛṇānaḥ |
svādhībhirṛkvabhirvāvaśāna udusriyāṇāmasṛjannidānam

32.3

स वह्नि॑भि॒रृक्व॑भि॒र्गोषु॒ शश्व॑न्मि॒तज्ञु॑भिः पुरु॒कृत्वा॑ जिगाय ।
पुर॑ः पुरो॒हा सखि॑भिः सखी॒यन्दृ॒ळ्हा रु॑रोज क॒विभि॑ः क॒विः सन्

sa vahnibhirṛkvabhirgoṣu śaśvanmitajñubhiḥ purukṛtvā jigāya |
puraḥ purohā sakhibhiḥ sakhīyandṛḻhā ruroja kavibhiḥ kaviḥ san

32.4

स नी॒व्या॑भिर्जरि॒तार॒मच्छा॑ म॒हो वाजे॑भिर्म॒हद्भि॑श्च॒ शुष्मै॑ः ।
पु॒रु॒वीरा॑भिर्वृषभ क्षिती॒नामा गि॑र्वणः सुवि॒ताय॒ प्र या॑हि

sa nīvyābhirjaritāramacchā maho vājebhirmahadbhiśca śuṣmaiḥ |
puruvīrābhirvṛṣabha kṣitīnāmā girvaṇaḥ suvitāya pra yāhi

32.5

स सर्गे॑ण॒ शव॑सा त॒क्तो अत्यै॑र॒प इन्द्रो॑ दक्षिण॒तस्तु॑रा॒षाट् ।
इ॒त्था सृ॑जा॒ना अन॑पावृ॒दर्थं॑ दि॒वेदि॑वे विविषुरप्रमृ॒ष्यम्

sa sargeṇa śavasā takto atyairapa indro dakṣiṇatasturāṣāṭ |
itthā sṛjānā anapāvṛdarthaṃ divedive viviṣurapramṛṣyam

Text source: Wikisource · CC BY-SA 4.0 (Wikisource transcription of a public-domain text)