आ चि॑कितान सु॒क्रतू॑ दे॒वौ म॑र्त रि॒शाद॑सा ।
वरु॑णाय ऋ॒तपे॑शसे दधी॒त प्रय॑से म॒हे
ā cikitāna sukratū devau marta riśādasā |
varuṇāya ṛtapeśase dadhīta prayase mahe
Mandala 5
Sukta 66: Varuna adorned with rita, Mitra sharp-sighted
Rishi: रातहव्य आत्रेयः · Devata: मित्रावरुणौ · Metre: अनुष्टुप्
6 verses · 66 of 87
What happens in this chapter
Varuna adorned with rita, Mitra sharp-sighted
Ratahavya Atreya speaks to Mitra and Varuna in Anushtubh. He bids the mortal to call these two wise Devas, destroyers of foes, and to offer to Varuna, whose form is rita. Their rule is unbroken and their lordship complete, set before men like the sun. With hymns the singer thinks on them and seeks the wide pasture for chariots. By their wondrous wisdom and pure skill they watch over people. Rita and great fame belong to the rishis, and their streams flow far across the broad earth. The last verse asks that the rishi and his patrons may strive for a wide self-rule, guarded by many.
ता हि क्ष॒त्रमवि॑ह्रुतं स॒म्यग॑सु॒र्य१॒॑माशा॑ते ।
अध॑ व्र॒तेव॒ मानु॑षं॒ स्व१॒॑र्ण धा॑यि दर्श॒तम्
tā hi kṣatramavihrutaṃ samyagasuryamāśāte |
adha vrateva mānuṣaṃ svarṇa dhāyi darśatam
ता वा॒मेषे॒ रथा॑नामु॒र्वीं गव्यू॑तिमेषाम् ।
रा॒तह॑व्यस्य सुष्टु॒तिं द॒धृक्स्तोमै॑र्मनामहे
tā vāmeṣe rathānāmurvīṃ gavyūtimeṣām |
rātahavyasya suṣṭutiṃ dadhṛkstomairmanāmahe
अधा॒ हि काव्या॑ यु॒वं दक्ष॑स्य पू॒र्भिर॑द्भुता ।
नि के॒तुना॒ जना॑नां चि॒केथे॑ पूतदक्षसा
adhā hi kāvyā yuvaṃ dakṣasya pūrbhiradbhutā |
ni ketunā janānāṃ cikethe pūtadakṣasā
तदृ॒तं पृ॑थिवि बृ॒हच्छ्र॑वए॒ष ऋषी॑णाम् ।
ज्र॒य॒सा॒नावरं॑ पृ॒थ्वति॑ क्षरन्ति॒ याम॑भिः
tadṛtaṃ pṛthivi bṛhacchravaeṣa ṛṣīṇām |
jrayasānāvaraṃ pṛthvati kṣaranti yāmabhiḥ
आ यद्वा॑मीयचक्षसा॒ मित्र॑ व॒यं च॑ सू॒रय॑ः ।
व्यचि॑ष्ठे बहु॒पाय्ये॒ यते॑महि स्व॒राज्ये॑
ā yadvāmīyacakṣasā mitra vayaṃ ca sūrayaḥ |
vyaciṣṭhe bahupāyye yatemahi svarājye
Text source: Wikisource · CC BY-SA 4.0 (Wikisource transcription of a public-domain text)