अ॒हं मनु॑रभवं॒ सूर्य॑श्चा॒हं क॒क्षीवाँ॒ ऋषि॑रस्मि॒ विप्र॑ः ।
अ॒हं कुत्स॑मार्जुने॒यं न्यृ॑ञ्जे॒ऽहं क॒विरु॒शना॒ पश्य॑ता मा
ahaṃ manurabhavaṃ sūryaścāhaṃ kakṣīvām̐ ṛṣirasmi vipraḥ |
ahaṃ kutsamārjuneyaṃ nyṛñje'haṃ kaviruśanā paśyatā mā
Mandala 4
Sukta 26: I was Manu and Surya; the falcon
Rishi: वामदेवो गौतमः, १- ३ इन्द्रो वा · Devata: १ - ३ इन्द्रः, आत्मा वा, ४ - ७ श्येनः · Metre: त्रिष्टुप्
7 verses · 26 of 58
What happens in this chapter
I was Manu and Surya; the falcon
A celebrated trishtubh hymn. In verses 1 to 3 the speaker, Indra or, as the anukramani allows, the Self speaking through Vamadeva, declares: I was Manu and Surya, I am the sage Kakshivan, I am Kutsa and the seer Ushana. I gave the earth to the Arya and rain to the giver; I broke Shambara's ninety-nine forts for Divodasa Atithigva. The Brihadaranyaka Upanishad recalls this as Vamadeva's realisation of oneness with Brahman. Verses 4 to 7 praise the Shyena, the falcon, swifter than all birds, which flew wheel-less from the far heaven and brought the soma for Manu.
अ॒हं भूमि॑मददा॒मार्या॑या॒हं वृ॒ष्टिं दा॒शुषे॒ मर्त्या॑य ।
अ॒हम॒पो अ॑नयं वावशा॒ना मम॑ दे॒वासो॒ अनु॒ केत॑मायन्
ahaṃ bhūmimadadāmāryāyāhaṃ vṛṣṭiṃ dāśuṣe martyāya |
ahamapo anayaṃ vāvaśānā mama devāso anu ketamāyan
अ॒हं पुरो॑ मन्दसा॒नो व्यै॑रं॒ नव॑ सा॒कं न॑व॒तीः शम्ब॑रस्य ।
श॒त॒त॒मं वे॒श्यं॑ स॒र्वता॑ता॒ दिवो॑दासमतिथि॒ग्वं यदाव॑म्
ahaṃ puro mandasāno vyairaṃ nava sākaṃ navatīḥ śambarasya |
śatatamaṃ veśyaṃ sarvatātā divodāsamatithigvaṃ yadāvam
प्र सु ष विभ्यो॑ मरुतो॒ विर॑स्तु॒ प्र श्ये॒नः श्ये॒नेभ्य॑ आशु॒पत्वा॑ ।
अ॒च॒क्रया॒ यत्स्व॒धया॑ सुप॒र्णो ह॒व्यं भर॒न्मन॑वे दे॒वजु॑ष्टम्
pra su ṣa vibhyo maruto virastu pra śyenaḥ śyenebhya āśupatvā |
acakrayā yatsvadhayā suparṇo havyaṃ bharanmanave devajuṣṭam
भर॒द्यदि॒ विरतो॒ वेवि॑जानः प॒थोरुणा॒ मनो॑जवा असर्जि ।
तूयं॑ ययौ॒ मधु॑ना सो॒म्येनो॒त श्रवो॑ विविदे श्ये॒नो अत्र॑
bharadyadi virato vevijānaḥ pathoruṇā manojavā asarji |
tūyaṃ yayau madhunā somyenota śravo vivide śyeno atra
ऋ॒जी॒पी श्ये॒नो दद॑मानो अं॒शुं प॑रा॒वत॑ः शकु॒नो म॒न्द्रं मद॑म् ।
सोमं॑ भरद्दादृहा॒णो दे॒वावा॑न्दि॒वो अ॒मुष्मा॒दुत्त॑रादा॒दाय॑
ṛjīpī śyeno dadamāno aṃśuṃ parāvataḥ śakuno mandraṃ madam |
somaṃ bharaddādṛhāṇo devāvāndivo amuṣmāduttarādādāya
आ॒दाय॑ श्ये॒नो अ॑भर॒त्सोमं॑ स॒हस्रं॑ स॒वाँ अ॒युतं॑ च सा॒कम् ।
अत्रा॒ पुरं॑धिरजहा॒दरा॑ती॒र्मदे॒ सोम॑स्य मू॒रा अमू॑रः
ādāya śyeno abharatsomaṃ sahasraṃ savām̐ ayutaṃ ca sākam |
atrā puraṃdhirajahādarātīrmade somasya mūrā amūraḥ
Text source: Wikisource · CC BY-SA 4.0 (Wikisource transcription of a public-domain text)