गर्भे॒ नु सन्नन्वे॑षामवेदम॒हं दे॒वानां॒ जनि॑मानि॒ विश्वा॑ ।
श॒तं मा॒ पुर॒ आय॑सीररक्ष॒न्नध॑ श्ये॒नो ज॒वसा॒ निर॑दीयम्
garbhe nu sannanveṣāmavedamahaṃ devānāṃ janimāni viśvā |
śataṃ mā pura āyasīrarakṣannadha śyeno javasā niradīyam
Mandala 4
Sukta 27: The falcon breaks out with the soma
Rishi: वामदेवो गौतमः · Devata: श्येनः, ५ इन्द्रो वा · Metre: त्रिष्टुप्, ५ शक्वरी
5 verses · 27 of 58
What happens in this chapter
The falcon breaks out with the soma
Vamadeva Gautama continues the katha of the Shyena in trishtubh with a closing shakvari. Still in the womb, the speaker says, I knew all the births of the gods; a hundred iron forts guarded me, and I flew out swiftly as a falcon. The falcon screeched as it came down from heaven bearing the soma. Krishanu the archer drew his bowstring and shot at it, and one feather fell in mid-flight. As the Ashvins carried Bhujyu, so the falcon carried the soma from the great height. In the last verse Indra takes the bright soma, mixed with milk, to drink.
न घा॒ स मामप॒ जोषं॑ जभारा॒भीमा॑स॒ त्वक्ष॑सा वी॒र्ये॑ण ।
ई॒र्मा पुरं॑धिरजहा॒दरा॑तीरु॒त वाताँ॑ अतर॒च्छूशु॑वानः
na ghā sa māmapa joṣaṃ jabhārābhīmāsa tvakṣasā vīryeṇa |
īrmā puraṃdhirajahādarātīruta vātām̐ ataracchūśuvānaḥ
अव॒ यच्छ्ये॒नो अस्व॑नी॒दध॒ द्योर्वि यद्यदि॒ वात॑ ऊ॒हुः पुरं॑धिम् ।
सृ॒जद्यद॑स्मा॒ अव॑ ह क्षि॒पज्ज्यां कृ॒शानु॒रस्ता॒ मन॑सा भुर॒ण्यन्
ava yacchyeno asvanīdadha dyorvi yadyadi vāta ūhuḥ puraṃdhim |
sṛjadyadasmā ava ha kṣipajjyāṃ kṛśānurastā manasā bhuraṇyan
ऋ॒जि॒प्य ई॒मिन्द्रा॑वतो॒ न भु॒ज्युं श्ये॒नो ज॑भार बृह॒तो अधि॒ ष्णोः ।
अ॒न्तः प॑तत्पत॒त्र्य॑स्य प॒र्णमध॒ याम॑नि॒ प्रसि॑तस्य॒ तद्वेः
ṛjipya īmindrāvato na bhujyuṃ śyeno jabhāra bṛhato adhi ṣṇoḥ |
antaḥ patatpatatryasya parṇamadha yāmani prasitasya tadveḥ
अध॑ श्वे॒तं क॒लशं॒ गोभि॑र॒क्तमा॑पिप्या॒नं म॒घवा॑ शु॒क्रमन्ध॑ः ।
अ॒ध्व॒र्युभि॒ः प्रय॑तं॒ मध्वो॒ अग्र॒मिन्द्रो॒ मदा॑य॒ प्रति॑ ध॒त्पिब॑ध्यै॒ शूरो॒ मदा॑य॒ प्रति॑ ध॒त्पिब॑ध्यै
adha śvetaṃ kalaśaṃ gobhiraktamāpipyānaṃ maghavā śukramandhaḥ |
adhvaryubhiḥ prayataṃ madhvo agramindro madāya prati dhatpibadhyai śūro madāya prati dhatpibadhyai
Text source: Wikisource · CC BY-SA 4.0 (Wikisource transcription of a public-domain text)