उषो॒ वाजे॑न वाजिनि॒ प्रचे॑ता॒ः स्तोमं॑ जुषस्व गृण॒तो म॑घोनि ।
पु॒रा॒णी दे॑वि युव॒तिः पुरं॑धि॒रनु॑ व्र॒तं च॑रसि विश्ववारे
uṣo vājena vājini pracetāḥ stomaṃ juṣasva gṛṇato maghoni |
purāṇī devi yuvatiḥ puraṃdhiranu vrataṃ carasi viśvavāre
Mandala 3
Sukta 61: Ushas, ancient yet ever young
Rishi: गाथिनो विश्वामित्रः · Devata: उषाः · Metre: त्रिष्टुप्
7 verses · 61 of 62
What happens in this chapter
Ushas, ancient yet ever young
Seven trishtubh verses of Vishvamitra to Ushas, the Dawn. Bountiful Ushas, rich in strength, is asked to accept the singer's praise; ancient yet young, she follows the law. Immortal, she shines forth on her shining chariot, rousing kind words, drawn by well-guided golden horses. Facing all the worlds she stands upright as the banner of immortality, turning ever anew like a wheel. Gathering the dark like a seam, she comes, wife of the day, bringing the light. Waking with the songs of rita, she stands bright over heaven and earth. Agni goes to meet her asking for wealth; she is the great power of Mitra and Varuna.
उषो॑ दे॒व्यम॑र्त्या॒ वि भा॑हि च॒न्द्रर॑था सू॒नृता॑ ई॒रय॑न्ती ।
आ त्वा॑ वहन्तु सु॒यमा॑सो॒ अश्वा॒ हिर॑ण्यवर्णां पृथु॒पाज॑सो॒ ये
uṣo devyamartyā vi bhāhi candrarathā sūnṛtā īrayantī |
ā tvā vahantu suyamāso aśvā hiraṇyavarṇāṃ pṛthupājaso ye
उष॑ः प्रती॒ची भुव॑नानि॒ विश्वो॒र्ध्वा ति॑ष्ठस्य॒मृत॑स्य के॒तुः ।
स॒मा॒नमर्थं॑ चरणी॒यमा॑ना च॒क्रमि॑व नव्य॒स्या व॑वृत्स्व
uṣaḥ pratīcī bhuvanāni viśvordhvā tiṣṭhasyamṛtasya ketuḥ |
samānamarthaṃ caraṇīyamānā cakramiva navyasyā vavṛtsva
अव॒ स्यूमे॑व चिन्व॒ती म॒घोन्यु॒षा या॑ति॒ स्वस॑रस्य॒ पत्नी॑ ।
स्व१॒॑र्जन॑न्ती सु॒भगा॑ सु॒दंसा॒ आन्ता॑द्दि॒वः प॑प्रथ॒ आ पृ॑थि॒व्याः
ava syūmeva cinvatī maghonyuṣā yāti svasarasya patnī |
svarjanantī subhagā sudaṃsā āntāddivaḥ papratha ā pṛthivyāḥ
अच्छा॑ वो दे॒वीमु॒षसं॑ विभा॒तीं प्र वो॑ भरध्वं॒ नम॑सा सुवृ॒क्तिम् ।
ऊ॒र्ध्वं म॑धु॒धा दि॒वि पाजो॑ अश्रे॒त्प्र रो॑च॒ना रु॑रुचे र॒ण्वसं॑दृक्
acchā vo devīmuṣasaṃ vibhātīṃ pra vo bharadhvaṃ namasā suvṛktim |
ūrdhvaṃ madhudhā divi pājo aśretpra rocanā ruruce raṇvasaṃdṛk
ऋ॒ताव॑री दि॒वो अ॒र्कैर॑बो॒ध्या रे॒वती॒ रोद॑सी चि॒त्रम॑स्थात् ।
आ॒य॒तीम॑ग्न उ॒षसं॑ विभा॒तीं वा॒ममे॑षि॒ द्रवि॑णं॒ भिक्ष॑माणः
ṛtāvarī divo arkairabodhyā revatī rodasī citramasthāt |
āyatīmagna uṣasaṃ vibhātīṃ vāmameṣi draviṇaṃ bhikṣamāṇaḥ
ऋ॒तस्य॑ बु॒ध्न उ॒षसा॑मिष॒ण्यन्वृषा॑ म॒ही रोद॑सी॒ आ वि॑वेश ।
म॒ही मि॒त्रस्य॒ वरु॑णस्य मा॒या च॒न्द्रेव॑ भा॒नुं वि द॑धे पुरु॒त्रा
ṛtasya budhna uṣasāmiṣaṇyanvṛṣā mahī rodasī ā viveśa |
mahī mitrasya varuṇasya māyā candreva bhānuṃ vi dadhe purutrā
Text source: Wikisource · CC BY-SA 4.0 (Wikisource transcription of a public-domain text)