आ म॒न्द्रैरि॑न्द्र॒ हरि॑भिर्या॒हि म॒यूर॑रोमभिः ।
मा त्वा॒ के चि॒न्नि य॑म॒न्विं न पा॒शिनोऽति॒ धन्वे॑व॒ ताँ इ॑हि
ā mandrairindra haribhiryāhi mayūraromabhiḥ |
mā tvā ke cinni yamanviṃ na pāśino'ti dhanveva tām̐ ihi
Mandala 3
Sukta 45: Come on peacock-plumed horses
Rishi: गाथिनो विश्वामित्रः · Devata: इन्द्रः · Metre: बृहती
5 verses · 45 of 62
What happens in this chapter
Come on peacock-plumed horses
Five brihati verses of Vishvamitra to Indra. Indra is asked to come with his joyful bays whose hair is like peacock plumes, and let none hold him back, as fowlers hold a bird; he is to pass them as over a desert. He is devourer of Vritra, breaker of Vala, splitter of forts, driver of the waters. He nourishes wisdom as the deep seas, as a herdsman feeds cows. Like one shaking a tree for ripe fruit, he is to shake down wealth. Self-ruling, of good counsel and own glory, he is asked to be most famous for the singers.
वृ॒त्र॒खा॒दो व॑लंरु॒जः पु॒रां द॒र्मो अ॒पाम॒जः ।
स्थाता॒ रथ॑स्य॒ हर्यो॑रभिस्व॒र इन्द्रो॑ दृ॒ळ्हा चि॑दारु॒जः
vṛtrakhādo valaṃrujaḥ purāṃ darmo apāmajaḥ |
sthātā rathasya haryorabhisvara indro dṛḻhā cidārujaḥ
ग॒म्भी॒राँ उ॑द॒धीँरि॑व॒ क्रतुं॑ पुष्यसि॒ गा इ॑व ।
प्र सु॑गो॒पा यव॑सं धे॒नवो॑ यथा ह्र॒दं कु॒ल्या इ॑वाशत
gambhīrām̐ udadhīm̐riva kratuṃ puṣyasi gā iva |
pra sugopā yavasaṃ dhenavo yathā hradaṃ kulyā ivāśata
आ न॒स्तुजं॑ र॒यिं भ॒रांशं॒ न प्र॑तिजान॒ते ।
वृ॒क्षं प॒क्वं फल॑म॒ङ्कीव॑ धूनु॒हीन्द्र॑ स॒म्पार॑णं॒ वसु॑
ā nastujaṃ rayiṃ bharāṃśaṃ na pratijānate |
vṛkṣaṃ pakvaṃ phalamaṅkīva dhūnuhīndra sampāraṇaṃ vasu
स्व॒युरि॑न्द्र स्व॒राळ॑सि॒ स्मद्दि॑ष्टि॒ः स्वय॑शस्तरः ।
स वा॑वृधा॒न ओज॑सा पुरुष्टुत॒ भवा॑ नः सु॒श्रव॑स्तमः
svayurindra svarāḻasi smaddiṣṭiḥ svayaśastaraḥ |
sa vāvṛdhāna ojasā puruṣṭuta bhavā naḥ suśravastamaḥ
Text source: Wikisource · CC BY-SA 4.0 (Wikisource transcription of a public-domain text)