अ॒यं ते॑ अस्तु हर्य॒तः सोम॒ आ हरि॑भिः सु॒तः ।
जु॒षा॒ण इ॑न्द्र॒ हरि॑भिर्न॒ आ ग॒ह्या ति॑ष्ठ॒ हरि॑तं॒ रथ॑म्
ayaṃ te astu haryataḥ soma ā haribhiḥ sutaḥ |
juṣāṇa indra haribhirna ā gahyā tiṣṭha haritaṃ ratham
Mandala 3
Sukta 44: Indra of the golden hue
Rishi: गाथिनो विश्वामित्रः · Devata: इन्द्रः · Metre: बृहती
5 verses · 44 of 62
What happens in this chapter
Indra of the golden hue
Five brihati verses of Vishvamitra to Indra, built on the word hari, golden-yellow or tawny. The Soma pressed with the bays is offered to him; he is to come with his bays and mount his golden chariot. Delighting, he made the dawn shine and lit up the sun. Indra holds up heaven, which bears the golden, and the earth of golden form, between which the golden one moves. Born golden, the bull lights all the shining realm and takes in his arms the golden vajra. He opened the pen with the golden stones and drove out the cows.
ह॒र्यन्नु॒षस॑मर्चय॒ः सूर्यं॑ ह॒र्यन्न॑रोचयः ।
वि॒द्वाँश्चि॑कि॒त्वान्ह॑र्यश्व वर्धस॒ इन्द्र॒ विश्वा॑ अ॒भि श्रिय॑ः
haryannuṣasamarcayaḥ sūryaṃ haryannarocayaḥ |
vidvām̐ścikitvānharyaśva vardhasa indra viśvā abhi śriyaḥ
द्यामिन्द्रो॒ हरि॑धायसं पृथि॒वीं हरि॑वर्पसम् ।
अधा॑रयद्ध॒रितो॒र्भूरि॒ भोज॑नं॒ ययो॑र॒न्तर्हरि॒श्चर॑त्
dyāmindro haridhāyasaṃ pṛthivīṃ harivarpasam |
adhārayaddharitorbhūri bhojanaṃ yayorantarhariścarat
ज॒ज्ञा॒नो हरि॑तो॒ वृषा॒ विश्व॒मा भा॑ति रोच॒नम् ।
हर्य॑श्वो॒ हरि॑तं धत्त॒ आयु॑ध॒मा वज्रं॑ बा॒ह्वोर्हरि॑म्
jajñāno harito vṛṣā viśvamā bhāti rocanam |
haryaśvo haritaṃ dhatta āyudhamā vajraṃ bāhvorharim
इन्द्रो॑ ह॒र्यन्त॒मर्जु॑नं॒ वज्रं॑ शु॒क्रैर॒भीवृ॑तम् ।
अपा॑वृणो॒द्धरि॑भि॒रद्रि॑भिः सु॒तमुद्गा हरि॑भिराजत
indro haryantamarjunaṃ vajraṃ śukrairabhīvṛtam |
apāvṛṇoddharibhiradribhiḥ sutamudgā haribhirājata
Text source: Wikisource · CC BY-SA 4.0 (Wikisource transcription of a public-domain text)