नि होता॑ होतृ॒षद॑ने॒ विदा॑नस्त्वे॒षो दी॑दि॒वाँ अ॑सदत्सु॒दक्ष॑ः ।
अद॑ब्धव्रतप्रमति॒र्वसि॑ष्ठः सहस्रम्भ॒रः शुचि॑जिह्वो अ॒ग्निः
ni hotā hotṛṣadane vidānastveṣo dīdivām̐ asadatsudakṣaḥ |
adabdhavratapramatirvasiṣṭhaḥ sahasrambharaḥ śucijihvo agniḥ
Mandala 2
Sukta 9: The hotri takes his seat
Rishi: गृत्समद (आङ्गिरसः शौनहोत्रः पश्चाद्) भार्गवः शौनकः · Devata: अग्निः · Metre: त्रिष्टुप्
6 verses · 9 of 43
What happens in this chapter
The hotri takes his seat
Gritsamada, in trishtubh, sees Agni sit down in the hotri's seat, blazing and skilled, with unbroken vows and a pure tongue, bearer of thousands. Agni is messenger, guardian from far off and leader to better things. The rishi asks him to watch over children and bodies without tiring. We worship you in your highest birth and in the lower seat, and offer into you at the very place from which you rose. Agni is lord of riches and knower of sincere speech. His twofold wealth, of heaven and earth, never fails. He is asked to shine bright and generous for his worshippers.
त्वं दू॒तस्त्वमु॑ नः पर॒स्पास्त्वं वस्य॒ आ वृ॑षभ प्रणे॒ता ।
अग्ने॑ तो॒कस्य॑ न॒स्तने॑ त॒नूना॒मप्र॑युच्छ॒न्दीद्य॑द्बोधि गो॒पाः
tvaṃ dūtastvamu naḥ paraspāstvaṃ vasya ā vṛṣabha praṇetā |
agne tokasya nastane tanūnāmaprayucchandīdyadbodhi gopāḥ
वि॒धेम॑ ते पर॒मे जन्म॑न्नग्ने वि॒धेम॒ स्तोमै॒रव॑रे स॒धस्थे॑ ।
यस्मा॒द्योने॑रु॒दारि॑था॒ यजे॒ तं प्र त्वे ह॒वींषि॑ जुहुरे॒ समि॑द्धे
vidhema te parame janmannagne vidhema stomairavare sadhasthe |
yasmādyonerudārithā yaje taṃ pra tve havīṃṣi juhure samiddhe
अग्ने॒ यज॑स्व ह॒विषा॒ यजी॑याञ्छ्रु॒ष्टी दे॒ष्णम॒भि गृ॑णीहि॒ राध॑ः ।
त्वं ह्यसि॑ रयि॒पती॑ रयी॒णां त्वं शु॒क्रस्य॒ वच॑सो म॒नोता॑
agne yajasva haviṣā yajīyāñchruṣṭī deṣṇamabhi gṛṇīhi rādhaḥ |
tvaṃ hyasi rayipatī rayīṇāṃ tvaṃ śukrasya vacaso manotā
उ॒भयं॑ ते॒ न क्षी॑यते वस॒व्यं॑ दि॒वेदि॑वे॒ जाय॑मानस्य दस्म ।
कृ॒धि क्षु॒मन्तं॑ जरि॒तार॑मग्ने कृ॒धि पतिं॑ स्वप॒त्यस्य॑ रा॒यः
ubhayaṃ te na kṣīyate vasavyaṃ divedive jāyamānasya dasma |
kṛdhi kṣumantaṃ jaritāramagne kṛdhi patiṃ svapatyasya rāyaḥ
सैनानी॑केन सुवि॒दत्रो॑ अ॒स्मे यष्टा॑ दे॒वाँ आय॑जिष्ठः स्व॒स्ति ।
अद॑ब्धो गो॒पा उ॒त न॑ः पर॒स्पा अग्ने॑ द्यु॒मदु॒त रे॒वद्दि॑दीहि
sainānīkena suvidatro asme yaṣṭā devām̐ āyajiṣṭhaḥ svasti |
adabdho gopā uta naḥ paraspā agne dyumaduta revaddidīhi
Text source: Wikisource · CC BY-SA 4.0 (Wikisource transcription of a public-domain text)