अ॒भी॒व॒र्तेन॑ ह॒विषा॒ येनेन्द्रो॑ अभिवावृ॒ते ।
तेना॒स्मान्ब्र॑ह्मणस्पते॒ऽभि रा॒ष्ट्राय॑ वर्तय
abhīvartena haviṣā yenendro abhivāvṛte |
tenāsmānbrahmaṇaspate'bhi rāṣṭrāya vartaya
Mandala 10
Sukta 174: The offering that turns victory toward the king
Rishi: अभीवर्त आङ्गिरसः · Devata: राजा · Metre: अनुष्टुप्
5 verses · 174 of 191
What happens in this chapter
The offering that turns victory toward the king
Abhivarta Angirasa speaks for the king in anushtubh. By the abhivarta offering with which Indra prevailed, Brahmanaspati, turn us toward kingship. Prevail over rivals and over those who are stingy toward us; stand over the one who attacks and the one who would harm us. The deva Savitar and Soma have turned you to victory, and all beings, so that you may be victorious. The offering by which Indra became glorious and highest has been made, and I have become without rival: a rival-slayer, the realm before me, overpowering, so that I may rule over these beings and this people.
अ॒भि॒वृत्य॑ स॒पत्ना॑न॒भि या नो॒ अरा॑तयः ।
अ॒भि पृ॑त॒न्यन्तं॑ तिष्ठा॒भि यो न॑ इर॒स्यति॑
abhivṛtya sapatnānabhi yā no arātayaḥ |
abhi pṛtanyantaṃ tiṣṭhābhi yo na irasyati
अ॒भि त्वा॑ दे॒वः स॑वि॒ताभि सोमो॑ अवीवृतत् ।
अ॒भि त्वा॒ विश्वा॑ भू॒तान्य॑भीव॒र्तो यथास॑सि
abhi tvā devaḥ savitābhi somo avīvṛtat |
abhi tvā viśvā bhūtānyabhīvarto yathāsasi
येनेन्द्रो॑ ह॒विषा॑ कृ॒त्व्यभ॑वद्द्यु॒म्न्यु॑त्त॒मः ।
इ॒दं तद॑क्रि देवा असप॒त्नः किला॑भुवम्
yenendro haviṣā kṛtvyabhavaddyumnyuttamaḥ |
idaṃ tadakri devā asapatnaḥ kilābhuvam
अ॒स॒प॒त्नः स॑पत्न॒हाभिरा॑ष्ट्रो विषास॒हिः ।
यथा॒हमे॑षां भू॒तानां॑ वि॒राजा॑नि॒ जन॑स्य च
asapatnaḥ sapatnahābhirāṣṭro viṣāsahiḥ |
yathāhameṣāṃ bhūtānāṃ virājāni janasya ca
Text source: Wikisource · CC BY-SA 4.0 (Wikisource transcription of a public-domain text)