आ त्वा॑हार्षम॒न्तरे॑धि ध्रु॒वस्ति॒ष्ठावि॑चाचलिः ।
विश॑स्त्वा॒ सर्वा॑ वाञ्छन्तु॒ मा त्वद्रा॒ष्ट्रमधि॑ भ्रशत्
ā tvāhārṣamantaredhi dhruvastiṣṭhāvicācaliḥ |
viśastvā sarvā vāñchantu mā tvadrāṣṭramadhi bhraśat
Mandala 10
Sukta 173: Stand firm, O king
Rishi: ध्रुव आङ्गिरसः · Devata: राजा · Metre: अनुष्टुप्
6 verses · 173 of 191
What happens in this chapter
Stand firm, O king
Dhruva Angirasa speaks to the king in anushtubh; the devata is the king himself. I have brought you; be among us, stand firm and unshaking; may all the people want you, and may the kingdom never slip from you. Stay here, do not fall, unshaking as a mountain; stand firm here like Indra and hold up the realm. Indra has made him firm with a firm offering; Soma and Brahmanaspati speak for him. Firm is the sky, firm the earth, firm these mountains, firm this whole moving world, firm this king of the people. May Varuna, Brihaspati, Indra and Agni hold your kingdom firm. Dhruva, firm, rings through every verse.
इ॒हैवैधि॒ माप॑ च्योष्ठा॒ः पर्व॑त इ॒वावि॑चाचलिः ।
इन्द्र॑ इवे॒ह ध्रु॒वस्ति॑ष्ठे॒ह रा॒ष्ट्रमु॑ धारय
ihaivaidhi māpa cyoṣṭhāḥ parvata ivāvicācaliḥ |
indra iveha dhruvastiṣṭheha rāṣṭramu dhāraya
इ॒ममिन्द्रो॑ अदीधरद्ध्रु॒वं ध्रु॒वेण॑ ह॒विषा॑ ।
तस्मै॒ सोमो॒ अधि॑ ब्रव॒त्तस्मा॑ उ॒ ब्रह्म॑ण॒स्पति॑ः
imamindro adīdharaddhruvaṃ dhruveṇa haviṣā |
tasmai somo adhi bravattasmā u brahmaṇaspatiḥ
ध्रु॒वा द्यौर्ध्रु॒वा पृ॑थि॒वी ध्रु॒वास॒ः पर्व॑ता इ॒मे ।
ध्रु॒वं विश्व॑मि॒दं जग॑द्ध्रु॒वो राजा॑ वि॒शाम॒यम्
dhruvā dyaurdhruvā pṛthivī dhruvāsaḥ parvatā ime |
dhruvaṃ viśvamidaṃ jagaddhruvo rājā viśāmayam
ध्रु॒वं ते॒ राजा॒ वरु॑णो ध्रु॒वं दे॒वो बृह॒स्पति॑ः ।
ध्रु॒वं त॒ इन्द्र॑श्चा॒ग्निश्च॑ रा॒ष्ट्रं धा॑रयतां ध्रु॒वम्
dhruvaṃ te rājā varuṇo dhruvaṃ devo bṛhaspatiḥ |
dhruvaṃ ta indraścāgniśca rāṣṭraṃ dhārayatāṃ dhruvam
ध्रु॒वं ध्रु॒वेण॑ ह॒विषा॒भि सोमं॑ मृशामसि ।
अथो॑ त॒ इन्द्र॒ः केव॑ली॒र्विशो॑ बलि॒हृत॑स्करत्
dhruvaṃ dhruveṇa haviṣābhi somaṃ mṛśāmasi |
atho ta indraḥ kevalīrviśo balihṛtaskarat
Text source: Wikisource · CC BY-SA 4.0 (Wikisource transcription of a public-domain text)