अ॒यं दे॒वाय॒ जन्म॑ने॒ स्तोमो॒ विप्रे॑भिरास॒या ।
अका॑रि रत्न॒धात॑मः
ayaṃ devāya janmane stomo viprebhirāsayā |
akāri ratnadhātamaḥ
Mandala 1
Sukta 20: The Rbhus win their share by skill
Rishi: मेधातिथिः काण्वः · Devata: ऋभवः · Metre: गायत्री
8 verses · 20 of 191
What happens in this chapter
The Rbhus win their share by skill
This praise, richest in treasure, is made by the sages for the divine race of the Rbhus. Medhatithi Kanva's gayatri verses tell the deeds of the Rbhus, the skilled craftsmen who became gods. With their minds they shaped Indra's bay horses that yoke at a word. They built for the Nasatyas a smooth chariot that runs everywhere. They made their two old parents young again. The single new cup fashioned by Tvashtar they made into four. For their good work they won a share of the yajna among the gods; now they are asked to give us treasures three times seven.
य इन्द्रा॑य वचो॒युजा॑ तत॒क्षुर्मन॑सा॒ हरी॑ ।
शमी॑भिर्य॒ज्ञमा॑शत
ya indrāya vacoyujā tatakṣurmanasā harī |
śamībhiryajñamāśata
तक्ष॒न्नास॑त्याभ्यां॒ परि॑ज्मानं सु॒खं रथ॑म् ।
तक्ष॑न्धे॒नुं स॑ब॒र्दुघा॑म्
takṣannāsatyābhyāṃ parijmānaṃ sukhaṃ ratham |
takṣandhenuṃ sabardughām
युवा॑ना पि॒तरा॒ पुन॑ः स॒त्यम॑न्त्रा ऋजू॒यव॑ः ।
ऋ॒भवो॑ वि॒ष्ट्य॑क्रत
yuvānā pitarā punaḥ satyamantrā ṛjūyavaḥ |
ṛbhavo viṣṭyakrata
सं वो॒ मदा॑सो अग्म॒तेन्द्रे॑ण च म॒रुत्व॑ता ।
आ॒दि॒त्येभि॑श्च॒ राज॑भिः
saṃ vo madāso agmatendreṇa ca marutvatā |
ādityebhiśca rājabhiḥ
उ॒त त्यं च॑म॒सं नवं॒ त्वष्टु॑र्दे॒वस्य॒ निष्कृ॑तम् ।
अक॑र्त च॒तुर॒ः पुन॑ः
uta tyaṃ camasaṃ navaṃ tvaṣṭurdevasya niṣkṛtam |
akarta caturaḥ punaḥ
ते नो॒ रत्ना॑नि धत्तन॒ त्रिरा साप्ता॑नि सुन्व॒ते ।
एक॑मेकं सुश॒स्तिभि॑ः
te no ratnāni dhattana trirā sāptāni sunvate |
ekamekaṃ suśastibhiḥ
अधा॑रयन्त॒ वह्न॒योऽभ॑जन्त सुकृ॒त्यया॑ ।
भा॒गं दे॒वेषु॑ य॒ज्ञिय॑म्
adhārayanta vahnayo'bhajanta sukṛtyayā |
bhāgaṃ deveṣu yajñiyam
Text source: Wikisource · CC BY-SA 4.0 (Wikisource transcription of a public-domain text)