पि॒तुं नु स्तो॑षं म॒हो ध॒र्माणं॒ तवि॑षीम् ।
यस्य॑ त्रि॒तो व्योज॑सा वृ॒त्रं विप॑र्वम॒र्दय॑त्
pituṃ nu stoṣaṃ maho dharmāṇaṃ taviṣīm |
yasya trito vyojasā vṛtraṃ viparvamardayat
Mandala 1
Sukta 187: Praise of food, Pitu
Rishi: अगस्त्यो मैत्रावरुणिः · Devata: अन्नं · Metre: १ अनुष्टुब्गर्भा उष्णिक्, ३, ५-७, ११ अनुष्टुप्, ११ बृहती वा, २,४, ८-१० गायत्री
11 verses · 187 of 191
What happens in this chapter
Praise of food, Pitu
Agastya Maitravaruni sings to Pitu, food itself, as a devata, in gayatri, anushtubh and ushnih. I praise food, upholder of great strength, by whose might Trita tore Vritra limb from limb. Sweet food, honeyed food, we choose you; be our helper, come to us kind with kind aids, a friend without hatred. The minds of the great gods rest in you; by your help Indra slew Ahi. Whether we take of waters, plants, Soma with milk or barley, or porridge, the refrain asks: Vatapi, become fat in us. Many families recite verses of this sukta before meals.
स्वादो॑ पितो॒ मधो॑ पितो व॒यं त्वा॑ ववृमहे ।
अ॒स्माक॑मवि॒ता भ॑व
svādo pito madho pito vayaṃ tvā vavṛmahe |
asmākamavitā bhava
उप॑ नः पित॒वा च॑र शि॒वः शि॒वाभि॑रू॒तिभि॑ः ।
म॒यो॒भुर॑द्विषे॒ण्यः सखा॑ सु॒शेवो॒ अद्व॑याः
upa naḥ pitavā cara śivaḥ śivābhirūtibhiḥ |
mayobhuradviṣeṇyaḥ sakhā suśevo advayāḥ
तव॒ त्ये पि॑तो॒ रसा॒ रजां॒स्यनु॒ विष्ठि॑ताः ।
दि॒वि वाता॑ इव श्रि॒ताः
tava tye pito rasā rajāṃsyanu viṣṭhitāḥ |
divi vātā iva śritāḥ
तव॒ त्ये पि॑तो॒ दद॑त॒स्तव॑ स्वादिष्ठ॒ ते पि॑तो ।
प्र स्वा॒द्मानो॒ रसा॑नां तुवि॒ग्रीवा॑ इवेरते
tava tye pito dadatastava svādiṣṭha te pito |
pra svādmāno rasānāṃ tuvigrīvā iverate
त्वे पि॑तो म॒हानां॑ दे॒वानां॒ मनो॑ हि॒तम् ।
अका॑रि॒ चारु॑ के॒तुना॒ तवाहि॒मव॑सावधीत्
tve pito mahānāṃ devānāṃ mano hitam |
akāri cāru ketunā tavāhimavasāvadhīt
यद॒दो पि॑तो॒ अज॑गन्वि॒वस्व॒ पर्व॑तानाम् ।
अत्रा॑ चिन्नो मधो पि॒तोऽरं॑ भ॒क्षाय॑ गम्याः
yadado pito ajaganvivasva parvatānām |
atrā cinno madho pito'raṃ bhakṣāya gamyāḥ
यद॒पामोष॑धीनां परिं॒शमा॑रि॒शाम॑हे ।
वाता॑पे॒ पीव॒ इद्भ॑व
yadapāmoṣadhīnāṃ pariṃśamāriśāmahe |
vātāpe pīva idbhava
यत्ते॑ सोम॒ गवा॑शिरो॒ यवा॑शिरो॒ भजा॑महे ।
वाता॑पे॒ पीव॒ इद्भ॑व
yatte soma gavāśiro yavāśiro bhajāmahe |
vātāpe pīva idbhava
क॒र॒म्भ ओ॑षधे भव॒ पीवो॑ वृ॒क्क उ॑दार॒थिः ।
वाता॑पे॒ पीव॒ इद्भ॑व
karambha oṣadhe bhava pīvo vṛkka udārathiḥ |
vātāpe pīva idbhava
तं त्वा॑ व॒यं पि॑तो॒ वचो॑भि॒र्गावो॒ न ह॒व्या सु॑षूदिम ।
दे॒वेभ्य॑स्त्वा सध॒माद॑म॒स्मभ्यं॑ त्वा सध॒माद॑म्
taṃ tvā vayaṃ pito vacobhirgāvo na havyā suṣūdima |
devebhyastvā sadhamādamasmabhyaṃ tvā sadhamādam
Text source: Wikisource · CC BY-SA 4.0 (Wikisource transcription of a public-domain text)